पाचोरा :- सध्या महाराष्ट्रात मारहाण झाल्याच्या घटनांमध्ये दिवसेंदिवस वाढ होत आहे अश्यातच पाचोरा तालुक्यातील पिंपळगाव हरेश्वर येथे लहान मुलीला मारल्याची घटना समोर आली आहे. दोन वर्षाच्या मुलीच्या आईसोबत शेजारील महिलेचा वाद होता. ती मुलगी दारात खेळण्यासाठी आल्याने जुन्या वादाचा त्या मुलीवर राग काढत अमानूष मारहाण केल्याची तक्रार देण्यात आली आहे. दरम्यान यामध्ये ती चिमुकली गंभीर जखमी झाली आहे. याबाबत पिंपळगाव हरेश्वर पोलीस ठाण्यात गुन्हा दाखल करण्यात आला आहे.
पाचोरा पोलिसांत दिलेल्या तक्रारीनुसार, शेजारील महिलेने अमानुष दोन वर्षांच्या लहान मुलीला मारहाण केल्याचा प्रकार उघडकीस आला आहे. या घटनेबद्दल नागरिकांकडून तीव्र संताप व्यक्त केला जात आहे. सदर घटना दुसऱ्या दिवशी समोर आल्यानंतर संबंधित महिले विरोधात पिंपळगाव पोलिस ठाण्यात गुन्हा दाखल करण्यात आला आहे. शिवानी मोहित बडगुजर असे मारहाण झालेल्या मुलीचे नाव आहे.
शिवानीच्या शरीरावरील जखमा पाहून तिला अमानुषपणे मारहाण झाल्याची मुलीच्या आईच्या लक्षात आले. त्यांनी याची माहिती शेजारी विचारले असता संबंधीत महिलेने उडवा उडवीची उत्तरे दिली. या निर्दयी शेजारीण बाईने अवघ्या दोन वर्षाच्या चिमुकलीला जमिनीवर लोळाऊन चपलीने व काठीने बेदम मारहाण केली असल्याचे काहींनी चिमुकलीच्या घरी समजल्यावर याबाबत पोलिसांत तक्रार देण्यात आली आहे.
दरम्यान त्या मुलीला मारताना मुलगी कळवळत असल्याची माहिती समोर येत आहे. या घटनेचा तीव्र निषेध पिंपळगाव हरे येथील जनतेतून होत आहे. सदर महिलेचे मुलीच्या आईसोबत जुने वाद होते असे सांगितले जात आहे. त्याच जुन्या वादाचा राग मनात ठेवून अवघ्या दोन वर्षाच्या चिमुकली बेदम मारहाण करण्याचा प्रकार घडला आहे.
या महिलेने निर्दयीपणे निष्पाप मुलीला मारहाण केली असून ही मुलगी तिथे जागेवर ओक्साबोक्शी रडतानाही चप्पलने व काठीने मारहाण केली. याप्रकरणी पिंपळगाव हरे पोलिसांनी महिलेवर गुन्हा दाखल केला आहे.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
