सोयगांव दि २६(प्रतिनिधी )येथे पोळ्याचा उत्साह सुरु असतांना एका बैलाचा हृदय विकाराने निधन झाले. सोबतीचा बैल पोळ्यात फिरवून दुसऱ्या घेऊन जाण्यासाठी घरी आलेल्या शेतकऱ्याला आपला दूसरा बैल मृत अवस्थेत दिसताच शेतकऱ्याने हंबरडा फोडला त्यामुळे सोयगावांत हळहळ व्यक्त होत आहे.
सोयगांव येथे आज पोळ्याचा उत्साह सुरु होता. जुना बाजार चौक परिसरात गावातील बैल तोरणाखालून काढण्यासाठी शेतकरी आपापले बैल सजवून पळवत होते. तरुण शेतकरी किरण शिवाजी गायकवाड याने आपला एक बैल पोळ्या सजवून तोरणा खालून काढला. दूसरा घेण्यासाठी गोठ्यात पोहचला तिथे मात्र त्याचा दूसरा बैल मरून पडलेला होता.
सजवलेला बैल मृत अवस्थेत पाहून किरण ने हंबरडा फोडला वर्षभर सोबत राबणाऱ्या सर्जा राजा च्या जोडीच्या आनंदाच्या दिवशी म्हणजे पोळ्याला बैल सोडून गेल्यामुळे किरण यांस अश्रू अनावर झाले. इतर शेतकऱ्यांनी त्यास धीर दिला घटनेची माहिती होताच पोळ्यातील इतर शेतकऱ्यांनी याविषयी हळहळ व्यक्त केली.संबंधित शेतकऱ्याला शासनाने नुकसान भरपाई दयावी अशी मागणी शेतकऱ्यांनी केली आहे.
आपण या बातम्या वाचल्यात का?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
