धरणगाव :- येथील महाविद्यालयाच्या संत ज्ञानेश्वर सभागृहात प्राचार्य डाॅ.ग म तल्हार यांच्या निधनानिमित्त शोकसभेचे आयोजन करण्यात आले. अध्यक्षस्थानी संचालक श्री अजयभाऊ पगारिया हे होते. प्रारंभी प्रभारी प्राचार्य डाॅ.किशोर पाटील यांनी सभेच्या आयोजनाची भूमिका मांडून तल्हार सरांच्या आठवणींना उजाळा दिला. त्यानंतर शिक्षकेतर कर्मचारी बांधवांतर्फे श्री अविनाश पारेख यांनी आदरांजली वाहिली. कोर्ट केसेस, विद्यापीठातील राजकारण, संस्थांतर्गत वादविवाद आणि दैनंदिन प्रशासन यात गुरफटलेले असूनही तल्हार सरांनी अत्यंत स्थितप्रज्ञ रू विकास केला.असे पारेख यांनी सांगितले. ज्यु.काॅ.तर्फे प्रा.बी एल खोंडे यांनी तल्हार सरांच्या आठवणी जागविल्या.सरांनी आमच्यावर पुत्रवत् प्रेम केले.सांभाळून घेतले.
प्राचार्य पुन्हा होणे नाही. असे सांगितले.प्रा. रमेश महाजन यांनी तल्हारसरांनी ज्या प्रतिकूल परिस्थितीत पदभार सांभाळला तिथून सरांनी राजीनामा देईपर्यंतचा जीवनपट उलगडून सांगितला. सर अत्यंत निरहंकारी होते.संकट मोचक होते.हजरजबाबी होते. प्रसंगानुसार वागून सर्वांना सांभाळून स्टाफ व मॅनेजमेंटमधला दुवा आणि संरक्षक भिंत बनून राहिले. अनेकांना नोकर्या दिल्या. संसार उभे केले पण उपकारकर्त्याची भावना न ठेवता माणूसकीच्या भावनेने सर्वांशी शेवटपर्यंत कौटुंबिक स्नेहबंध टिकवले यातच त्यांचे मोठेपण सामावले आहे अशा शब्दात प्रा.रमेश महाजन यांनी आदरांजली वाहिली. ह भ प प्रा.सी एस पाटील यांनी तल्हार सरांच्या स्मृतिप्रित्यर्थ आयोजित विविध उपक्रमांची माहिती देऊन त्यांच्या जीवन कार्याला उजाळा दिला. सरांनी सर्वांचा पोटच्या लेकरा सारखा सांभाळ केला.
आपपर भाव न ठेवता समान वागणूक दिली असे सांगून सरांच्या जीवनातील काही प्रसंग वर्णन करुन सांगितले.जोडोनिया धन उत्तम व्यवहारे।उदास विचारे वेच करी॥ या संतवचनानुसार ते जीवन जगले. प्राचार्यापेक्षा पालकाची भूमिका त्यांनी अधिक साकार केली. या प्रसंगी निवृत एन सी सी मेजर प्रा.एम ए उपासनी यांनी फोन काॅलवरुन श्रद्धांजलीचे मनोगत व्यक्त केले. प्रा.व्ही आर पाटील यांनी अत्यंत रसाळ व ओघवत्या शैलीत सूत्र संचालन केले. शेवटी शांति मंत्राने समारोप करुन सर्व उपस्थितांनी तल्हारसरांना आदरांजली वाहिली.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
