प्रतिनिधी । एरंडोल
एरंडोल :- रा.ती काबरे महाविद्यालयाच्या प्रांगणात विवेकानंद केंद्र कन्याकुमारी शाखा एरंडोल व माधवराव गोळवलकर स्वयंसेवी रक्तपेढी यांच्या संयुक्त विद्यमानाने सालाबादाप्रमाणे यावर्षी सुद्धा भव्य रक्तदान शिबिर आज सकाळी दहा वाजेपासून सुरुवात करण्यात आली.
आज सकाळपासूनच रक्तदान करण्यासाठी रक्तदाते हे स्वयंस्फूर्तीने येऊन रक्तदान शिबिरामध्ये सक्रिय सहभाग घेत होते.
विवेकानंद केंद्र कन्याकुमारी यांच्या सुवर्ण महोत्सवी वर्ष झाल्याबद्दल प्रत्येक रक्तदात्यास विवेक शलाका डायरी सप्रेम भेट देण्यात येत आहे.
विवेकानंद केंद्राचे यावर्षी सुवर्णमहोत्सवी वर्ष असल्यामुळे दोनशे रक्तदाते हे या ठिकाणी रक्तदान करणार असल्याचे स्वामी विवेकानंद केंद्र शाखा एरंडोल यांच्या वतीने सांगण्यात आले आहे.
