नवी दिल्ली : – सध्या देशात आपण महिला अत्याचारांच्या घटना बघत असतो पण हि घटना वेगळि आहे. एक महिला उपनिरीक्षकाचा वृद्ध सासऱ्याला मारहाण करतानाचा व्हिडीओ सध्या सोशल चांगलाच व्हायरल झाला आहे. या व्हिडीओमध्ये स्पष्टपणे दिसत आहे की, महिला पीएसआय आधी तिच्या सासऱ्याशी वाद घालते आणि वृद्ध सासऱ्याला पाहताच लाथा-बुक्क्या मारू लागतात. या व्हिडीओमध्ये काही पोलीस कर्मचारीही या घटनेदरम्यान उभे असल्याचे दिसत आहे, मात्र ते शांतपणे तमाशा पाहत आहेत. हा प्रकार दिल्लीतील लक्ष्मी नगरमधील आहे.
याप्रकरणी आरोपी महिला पोलीस अधिकाऱ्याविरुद्ध सोमवारी गुन्हा दाखल करण्यात आल्याचे पोलिसांनी सांगितले. पोलीस या प्रकरणाचा तपास करत आहेत. पोलिसांनी सांगितले की, व्हिडिओमध्ये दिसणारी महिला पोलिस अधिकारी दिल्ली पोलिसातील उपनिरीक्षक आहे. सासू-सासऱ्यांसोबत आधीच वाद सुरू असून, सध्या हे प्रकरण न्यायालयात प्रलंबित आहे.
पहा व्हिडिओ :
या वादामुळे ती सासूपासून वेगळी राहते. व्हिडीओच्या आधारे पोलिसांनी सांगितले की, महिला अधिकारी कोर्ट केसबद्दल बोलण्यासाठी तिच्या सासू-सासऱ्यांकडे पोहोचली होती. यावेळी महिला अधिकाऱ्याची आईही त्यांच्यासोबत होती. दोघेही बराच वेळ एकमेकांशी बोलत होते. त्यानंतर बाचाबाची झाली आणि पाहताच महिला पोलीस अधिकाऱ्याने आपल्या वृद्ध सासऱ्याला मारहाण करण्यास सुरुवात केली.
पोलिसांनी सांगितले की, सासऱ्याला मारहाण करणारी महिला उपनिरीक्षक सध्या डिफेन्स कॉलनी पोलिस ठाण्यात तैनात आहे. आधी ती सासू-सासऱ्यांसोबत राहते, मात्र वादानंतर तिने तिची जागा बदलली आणि आता डिफेन्स कॉलनीत कुठेतरी भाड्याच्या घरात राहत आहे. पोलिसांनी सांगितले की, आरोपी महिला उपनिरीक्षकाविरुद्ध संबंधित कलमांतर्गत गुन्हा दाखल करून या प्रकरणाचा तपास सुरू करण्यात आला आहे. मात्र, याप्रकरणी अद्याप कोणालाही अटक करण्यात आलेली नाही
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
