जळगाव, दि. 27 (जिमाका वृत्तसेवा) : सर्वसामान्य नागरिकांमध्ये माहिती अधिकाराबाबत जनजागृती होण्यासाठी मंगळवार, 28 सप्टेंबर, 2021 रोजी माहिती अधिकार दिन म्हणून साजरा करण्यात येणार आहे.त्याअनुषंगाने जिल्ह्यातील सर्व शासकीय, निमशासकीय कार्यालयात माहिती अधिकार दिनानिमित्ताने कार्यक्रमांचे आयोजन करावे. असे निवासी उपजिल्हाधिकारी राहुल पाटील यांनी प्रसिध्दीस दिलेल्या शासकीय पत्रकान्वये कळविले आहे.
