भुसावळ :- महामार्गावर दुचाकी-चारचाकीमध्ये धडक झाल्यानंतर जखमीला रुग्णवाहिकेत हलवत असतानाच रुग्णवाहिकेतील कम्पाऊंडरनेच जखमीची पावणेदोन लाख रुपये किंमतीची चेन लांबवली. ही धक्कादायक घटना बुधवारी रात्री साडेनऊ वाजता घडली. बाजारपेठ पोलिसांनी गुन्हा दाखल झाल्यानंतर आरोपीला अटक केली.

राजीव मोतीराम सुरवाडे (44, सात नंबर पोलिस चौकीमागे, नालंदा नगर भुसावळ) असे अटकेतील आरोपीचे नाव आहे. दरम्यान, या अपघात प्रकरणी स्वीप्ट (एम.एच.19 बी.यु.1766) वरील अनोळखी चालकाविरोधात अपघात केल्याप्रकरणी स्वतंत्र गुन्हा पोलिसांनी दाखल केला आहे.

सूत्रांच्या माहितीनुसार, बुधवारी रात्री नऊ वाजेच्या सुमारास राष्ट्रीय महामार्गावरील राजस्थान मार्बलसमोर दुचाकी-चारचाकीत अपघात झाल्याने त्यातील जखमीला उपचारार्थ हलवण्यासाठी रुग्णवाहिका मागवण्यात आली मात्र तक्रारदार अमित सतीशकुमार देसाई (33, सिंधी कॉलनी, जामनेर रोड, भुसावळ) यांच्या भावाच्या गळ्यातील 33 ग्रॅम वजनाची व एक लाख 68 हजार 817 रुपये किंम1तीची सोन्याची चेन खाली पडल्यानंतर ती रुग्णवाहिकेतील पॅरामेडिकल स्टाफ राजीव मोतीराम सुरवाडे (44, सात नंबर पोलिस चौकीमागे, नालंदा नगर भुसावळ) यांनी खिश्यात टाकली.

जखमी रुग्णालयात पोहोचल्यानंतर त्यांना चेन गहाळ झाल्याचे लक्षात आल्यानंतर याबाबतची माहिती पोलिसांना कळवण्यात आल्यानंतर चौकशीअंती सुरवाडे यांनी चैन लांबवल्याचे उघड झाल्यानंतर बुधवारी सकाळी 6.11 वाजता बाजारपेठ पोलिसात गुन्हा दाखल करण्यात आला. आरोपी राजीव सुरवाडे यास बाजारपेठ पोलिसांनी अटक केल्यानंतर न्यायालयात हजर केले असता त्याची जामिनावर सुटका करण्यात आली. तपास हवालदार रमण सुरळकर करीत आहेत.

हे वाचलंत का ?

• एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
• Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
• आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
• पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
• सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.