पालघर : – सध्या महाराष्ट्रात घातपात झाल्याचा घटनांमध्ये दिवसेंदिवस वाढ होत आहे अश्यातच अंगावर काटा आणणारी एक खळबळजनक घटना समोर आलीय. तरुणाने भरदिवसा तरुणीवर गोळीबार केल्याची धक्कादायक घटना बोईसर येथे घडली आहे. प्रेम प्रकरणातून हा गोळीबार केल्याचं तपासात उघड झालं असून बोईसरमधील टिमा हॉस्पिटलजवळ हा गोळीबार झाला.दरम्यान, या गोळीबारात २३ वर्षीय तरुणीचा जागीच मृत्यू झाला असून गोळीबार केल्यानंतर आरोपी तरुणाने संरक्षण दलाच्या वाहनाखाली उडी घेत आत्महत्येचा प्रयत्न केला. दरम्यान, गोळीबाराची ही धक्कादायक घटना सीसीटीव्ही कॅमेऱ्यात कैद झाली आहे.
नेमकं काय घडलं ?
नेहा दिनेश महतो असे गोळीबारात मृत तरुणीचे नाव आहे. तर कृष्णा सत्यदेव यादव असे आरोपी तरुणाचे नाव आहे. बोईसर परिसरातील टिमा रुग्णालयासमोर कृष्णा सत्यदेव यादव या तरुणाने दुपारी साडेतीन वाजताच्या सुमारास नेहा दिनेश महतो या तरुणीवर गावठी पिस्तुलाने गोळीबार केला. या गोळीबारात नेहाचा जागीच मृत्यू झाला. त्यानंतर घटनास्थळापासून सुमारे ५०० मीटर अंतरावर डी-डेकॅार कंपनी समोर आरोपीने संरक्षण दलाच्या वाहनाखाली उडी मारत आत्महत्येचा प्रयत्न केला. ज्यामध्ये तो गंभीर जखमी झाला. त्यानंतर त्याला तात्काळ रुग्णालयात दाखल करण्यात आलं. मात्र, उपचारादरम्यान तरुणांचा देखील मृत्यू झाला आहे. या घटनेमुळे परिसरात मोठी खळबळ उडाली आहे.
पहा व्हिडिओ :
बोईसर पोलिसांनी या संदर्भात गुन्हा दाखल केला असून पोलिसांकडून अधिक तपास सुरू आहे. दरम्यान आरोपी आणि मयत मुलगी यांचं प्रेम प्रकरण होतं. मयत मुलीच्या कुटुंबीयांकडून लग्न करण्याच्या आग्रहानंतरही तरुण लग्न करण्यास टाळाटाळ करत असल्याची माहिती मयत मुलीच्या आईकडून देण्यात आली आहे.
हे वाचलंत का ?
- Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
- पोलखोल! बनावट एडिशनल एसपी बनून आली पोलीस ठाण्यात पोलिसांनी केलं सॅल्यूट;पण एक छोटीशी चूक होताच पोलिसांनी केला महिलेचा पर्दाफाश.
- एरंडोल येथे संविधान दिवस उत्साहात संपन्न; “घर घर संविधान” चळवळ यशस्वी करण्याचा संकल्प
- धक्कादायक! आईने घरातील पत्र्याला घेतला गळफास,तर दोन चिमुकली आढळली पाण्याच्या बॅरेलमध्ये,कारण अस्पष्ट.
- आजचे राशी भविष्य गुरूवार दि. २८ नोहेंबर २०२४
