अफगाणिस्तानची राजधानी काबूल येथील एका शाळेत मोठा स्फोट झाल्याची माहिती समोर आली आहे. या हल्ल्यात आतापर्यंत 100 मुलांचा मृत्यू झाला आहे, तर अनेक जण जखमी झाल्याचे सांगण्यात येत आहे. अफगाणिस्तानमधील पत्रकार बिलाल सावरी यांनी एका शिक्षकाच्या हवाल्याने ही माहिती दिली आहे. घटना इतकी भीषण आहे की, मुलांचे हात-पाय गोळा करून त्यांची ओळख पटवली जात आहे.
पहा व्हिडिओ :
हा हल्ला किती भीषण होता, याचा अंदाज बिलाल सावरी यांनी केलेल्या ट्विटवरून लावता येईल. त्यांनी शाळेतील एका शिक्षकाच्या हवाल्याने सांगितले की, आतापर्यंत 100 मुलांचे मृतदेह मोजण्यात आले आहेत. प्रत्यक्षात मृत्यू झालेल्या विद्यार्थ्यांची संख्या जास्त असू शकते. या हल्ल्यात शाळेचे मोठे नुकसान झाले असून, शाळेत मृतदेहांचा ढीग लागला आहे. विशेष म्हणजे, तालिबानने येथील माध्यमांना तोंड बंद ठेवण्यास सांगितले आहे. तालिबानने रुग्णालयांनाही हल्ल्याशी संबंधित माहिती मीडियाला देऊ नये, अशा स्पष्ट सूचना दिल्याची माहितीही बिलाल यांनी दिली..
काबूल पोलिस प्रमुखांचे तालिबान-नियुक्त प्रवक्ते खालिद झदरन यांनी सांगितले की, शुक्रवारी सकाळी दश्ती बर्ची भागातील एका शाळेत हा स्फोट झाला आहे. अफगाणिस्तानातील अल्पसंख्याक शिया समुदायाचे बहुतांश लोक या भागात राहतात. मृतांमध्ये बहुतांश विद्यार्थी आहेत. काज हायर एज्युकेशनल सेंटर, असे या शाळेचे नाव आहे. अद्याप या स्फोटाची जबाबदारी कोणत्याही संघटनेने स्वीकारलेली नाही.
हे वाचलंत का ?
- Viral Video: नवरी जोमात नवरदेव कोमात! लग्नमंडपात नवरीचा धम्माकेदार डान्स मात्र नवरदेव आल राग,अन् पुढे काय झालं पहा व्हिडिओ
- धक्कादायक! १७ वर्षीय मुलीच्या आई-वडिलांसोबत वाद झाला म्हणून होस्टेलमधून बेपत्ता झाली, तिच्यावर मदतीच्या बहाण्याने ४ तरुणांनी केला बलात्कार.
- लग्नानंतर दोघंही गोव्याला हनीमूनला गेले,रोमँटिक ट्रिपवरून दोघं घरी आले अन् अस घडल की कोणी कल्पनाही करू शकले नाही, लग्नाच्या 12 दिवसांनंतरच…
- ‘तुझ्या भिशी लावण्यामुळेच मी कर्जबाजारी झालो’ खाजगी शिवकवणी घेणाऱ्या शिक्षकाने असं काही कृत्य केलं की संपूर्ण कुटुंब उद्ध्वस्त झालं.
- आजचे राशी भविष्य गुरूवार दि.१ जानेवारी २०२५
