चंद्रपुर :- सध्या महाराष्ट्रात घातपात झाल्याचा घटनांमध्ये दिवसेंदिवस वाढ होत आहे अश्यातच भावाच्या पत्नीला सोबत घेत मुलीनेचं आईचा खून केल्याचा धक्कादायक प्रकार समोर आला आहे.आईची हत्या करून पुरावे नष्ट करण्यासाठी गावातील स्मशानभूमीत आईवर अंत्यसंस्कारही घाई घाईने उरकले. मात्र याबाबत दुसऱ्या मुलीने आपल्या आईचा घातपात झाल्याची तक्रार पोलिसात केल्याने खुनाचे बिंग फुटले आणि ३ ऑक्टोबरच्या रात्री नलेश्वर येथे घडलेल्या घटनेचा थरार उघडकीस आल्याने खळबळ उडाली.सदर घटना चंद्रपूर जिल्ह्यातील सिंदेवाही येथे घडली आहे.
तानाबाई महादेव सावसाकडे (वय ६५, रा. नलेश्वर) असे मृतक महिलेचे नाव आहे. मृत महिलेची दुसरी मुलगी रंजना रामेश्वर सोनवणे हिने सिंदेवाही पोलिसात तक्रार केली.मुलीच्या तक्रारीनंतर पोलीस उपनिरीक्षक महल्ले यांनी पथकासह घटनास्थळी भेट दिली. या प्रकरणी मृत महिलेची मुलगी वंदना खाते व सून चंद्रकला सावसाकडे यांना चौकशीकरिता ताब्यात घेण्यात आले.
‘या’ कारणासाठी केला खून…
वडिलोपार्जित शेतजमिनीच्या वादातून मुलगी वंदना हिने तिच्या आईला वहिनी चंद्रकला हिला सोबत घेऊन नाक व तोंड दाबून हत्या केल्याची कबुली दिली. पोलिसांनी या प्रकरणी खुनाचा गुन्हा नोंद केला असून दोनही महिलांना अटक केली आहे. पुढील तपास ठाणेदार योगेश घारे करीत आहेत.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
