Woman Molested By Auto Driver: रिक्षाचालकाने एका २२ वर्षीय तरुणीची छेड काढल्यानंतर रिक्षाचालकाला पकडण्याचा प्रयत्न करणाऱ्या तरुणीला रिक्षाचालकाने फरफट नेल्याचा धक्कादायक प्रकार शुक्रवारी सकाळी ठाण्यातील मुख्य बाजारपेठ असलेल्या ठाणे रेल्वे स्थानक रस्त्यावर घडला. ही तरुणी रस्त्यावर पडून किरकोळ जखमी झाली..
ठाणेः- रिक्षाचालकाने एका २२ वर्षीय तरुणीची छेड काढल्यानंतर रिक्षाचालकाला पकडण्याचा प्रयत्न करणाऱ्या तरुणीला रिक्षाचालकाने फरफटत नेल्याचा धक्कादायक प्रकार शुक्रवारी सकाळी ठाण्यातील मुख्य बाजारपेठ असलेल्या ठाणे रेल्वे स्थानक रस्त्यावर घडला. या प्रकरणी या रिक्षाचालकाला अटक केलं असून कटीकादला उर्फ राजू आब्ब्याथी विरांगनेलू ३६ असे या रिक्षा चालकाचे नाव आहे. त्याची रिक्षाही जप्त करण्यात आली आहे. (Woman Molested By Auto Driver)
ठाणे परिसरात राहणारी २२ वर्षांची ही तरुणी अकरावीत शिक्षण घेत असून शुक्रवारी सकाळी ती ६.४० वाजता घरातून कॉलेजला जाण्यासाठी निघाली होती. फुल मार्केटमधून चालत येथील एका चौकातून पुढे जात असताना त्याठिकाणी आधीच एक व्यक्ती उभी होती. या व्यक्तीने तिला शुकशुक करत हाक मारली. आधी तिला वाटलं कॉलेजमधील काही मैत्रिणी आहेत म्हणून मागे वळून बघितलं असता एक व्यक्ती तिथे उभा होता, असं या तरुणीने तक्रारीत म्हटलं आहे..
मी मागे वळून बघितलं तेव्हा त्याने अश्लील हावभाव करत शब्द वापरले. नंतर त्याने माझा हात पकडण्याचा प्रयत्न केला. मी तुला ओळखत नाही तरीही तु माझ्याशी असा का वागतो, असा जाब मी त्याला विचारलं. मात्र तरीही त्याने माझं ऐकलं नाही, असं तरुणीने म्हटलं आहे. त्यावेळी मी आरडाओरडा करत रिक्षाचालकाला पकडण्याचा प्रयत्न केला. मात्र, रिक्षाचालक रिक्षात जाऊन बसला. त्यावेळी मीही त्याला पकडण्यासाठी त्याच्या मागे गेले. रिक्षाचालक रिक्षात बसल्यानंतर मी क्याची कॉलर पकडली. तेव्हाच त्याने रिक्षा सुरू केली. रिक्षा न थांबवता मला फरफटत घेऊन जायला लागला. जवळपास २० मीटरपर्यंत त्याने मला फरफटत नेलं. नंतर त्याने माझ्या हाताला झटका दिला आणि मी रस्त्यावर पडली. व तो रिक्षा चालक पळून गेला, असा थरारक प्रसंग या तरुणीने कथन केला आहे. यामध्ये तरुणीच्या डाव्या कोपराला तसेच उजव्या पायाच्या गुडघ्याला दुखापत झाली आहे.
हे वाचलंत का ?
- Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
- पोलखोल! बनावट एडिशनल एसपी बनून आली पोलीस ठाण्यात पोलिसांनी केलं सॅल्यूट;पण एक छोटीशी चूक होताच पोलिसांनी केला महिलेचा पर्दाफाश.
- एरंडोल येथे संविधान दिवस उत्साहात संपन्न; “घर घर संविधान” चळवळ यशस्वी करण्याचा संकल्प
- धक्कादायक! आईने घरातील पत्र्याला घेतला गळफास,तर दोन चिमुकली आढळली पाण्याच्या बॅरेलमध्ये,कारण अस्पष्ट.
- आजचे राशी भविष्य गुरूवार दि. २८ नोहेंबर २०२४
