मुबई (गुरुदत्त वाकदेकर) : तस्किन अहमदच्या प्रभावी गोलंदाजीमुळे बांगलादेशने सोमवारी होबार्टमध्ये टी२० विश्वचषकाच्या सुपर १२ सामन्यात नेदरलँड्सचा ९ धावांनी पराभव केला. अहमदने २५ धावांत ४ विकेट्स घेऊन आपला कोटा पूर्ण केला. शाकिब अल हसन आणि कंपनीला प्रथम फलंदाजीसाठी आमंत्रित करण्यात आले होते. नेदरलँड्सच्या तिखट प्रदर्शनामुळे बांगलादेशने २० षटकात १४४/८ अशी क्षुल्लक कामगिरी केली.
नजमुल हुसेन शांतो आणि सौम्या सरकार या सलामीच्या जोडीने बांगलादेशला दमदार सुरुवात करून दिली, तथापि, ते बाद झाल्यानंतर आशियाई संघ गती पुढे नेण्यात अपयशी ठरला आणि नियमित अंतराने विकेट गमावल्या. मोसाद्देक हुसेनने १२ चेंडूत २० धावा केल्‍यामुळे बांगलादेशला फायटिंग धावसंख्या उभारण्यास मदत झाली. बांगलादेशच्या गोलंदाज आणि क्षेत्ररक्षकांनी दमदार प्रदर्शन केले. नेदरलँड्सची चार षटकांत १५/४ अशी अवस्था झाली.
तथापि, शकीबने एडवर्ड्सला १६ धावांवर बाद करण्यापूर्वी स्कॉट एडवर्ड्स आणि कॉलिन अॅकरमन यांनी थोडा प्रतिकार केला. अॅकरमनने एकाकी झुंज दिली आणि ४८ चेंडूत ६२ धावा केल्या. त्याच्या खेळीनंतरही, नेदरलँड्सला १३५/१० इतकेच करता आले. २०व्या षटकाच्या शेवटच्या चेंडूवर शेवटची विकेट पडली. तस्किन अहमदला सामनावीर पुरस्काराने गौरविण्यात आले.
