लॉजवर गेल्यानंतर तरुणीने आधी त्याचा अर्धनग्न फोटो काढला. त्यानंतर फोटो व्हायरल करण्याची धमकी देत त्याच्याकडे २५ हजार रुपयांची खंडणीची मागितली. पैसे दिले नाहीस, त तू माझ्यावर अत्याचार केलास, असं ओरडून सांगण्याची धमकीही तिने तरुणाला दिली.
सोलापूर :
लॉजवरुन नेऊन तरुणीने तरुणाचा अर्धनग्न अवस्थेतील फोटो काढला, त्यानंतर आपल्यावर अत्याचार केल्याची खोटी तक्रार करण्याची धमकी देत तरुणीने त्याच्याकडे तब्बल २५ हजार रुपयांची खंडणी मागितली. मात्र तरुणाने धीर दाखवून तक्रार केल्याने तरुणीचा बनाव उघडकीस आला. सोलापूर जिल्ह्यातील बार्शी तालुक्यात घडलेल्या या प्रकरणी पोलिसांनी तरुणीसह एकाला ताब्यात घेतलं आहे.
ही धक्कादायक घटना २७ ऑक्टोबर रोजी दुपारी बारा ते एक वाजताच्या दरम्यान घडली होती. या प्रकरणी तरुणाने दिलेल्या फिर्यादीवरुन पोलिसांनी तातडीने कारवाई केली. २८ वर्षीय आरोपी नितीन शिंदे आणि संबंधित तरुणीला पोलिसांनी न्यायालयात हजर केलं असता त्यांना ५ नोव्हेंबरपर्यंत पोलीस कोठडी सुनावण्यात आली आहे.तडवळे यावली येथे ५ ऑक्टोबर रोजी भगवती देवीची यात्रा झाली. यासाठी अहमदनगर जिल्ह्यातील काही तरुणी नृत्य करण्यासाठी आल्या होत्या. त्यावेळी संबंधित तरुणीने पीडित तरुणाचा मोबाईल नंबर घेतला.
त्यानंतर तरुणीने तरुणाला गुरुवारी (ता. २७) सकाळी १० वाजता फोन केला होता.तू कुठे आहेस? मी बार्शीला आलेय, तू शिवाजी कॉलेजजवळ ये, असं तिने तक्रारदार तरुणाला सांगितलं. दुपारी बारा वाजता तरुण तिथे गेला असता, पुन्हा तरुणीने फोन केला. मी शिवाजी चौकातील कुर्डूवाडी रोडवर उभी आहे, असं सांगत तिने पीडित तरुणाला चहा घेण्याच्या बहाण्याने एका लॉजवर नेलं.लॉजवर गेल्यानंतर तरुणीने आधी त्याचा अर्धनग्न फोटो काढला. त्यानंतर फोटो व्हायरल करण्याची धमकी देत त्याच्याकडे २५ हजार रुपयांची खंडणीची मागितली. पैसे दिले नाहीस, त तू माझ्यावर अत्याचार केलास, असं ओरडून सांगण्याची धमकीही तिने तरुणाला दिली.तरुणीच्या पवित्र्याने तरुण आधी प्रचंड घाबरला. त्याने आपल्याकडे पैसे नसल्याचं सांगितलं. त्यावर आत्ता जवळ जितके आहेत, तितके दे असं तरुणीने सांगताच तरुणाने तिला पाचशे रुपये ऑनलाईन ट्रान्सफर केले.
दरम्यान, पोलीसही त्याच वेळी लॉजवर आले आणि त्यांनी तरुणीला पळवून आणल्याचं सांगत तरुणाला तिच्यासह ताब्यात घेतलं. पोलिसांनी दोघांनाही पोलीस स्टेशनला नेलं असता, तरुणाने आपल्यासोबत घडलेला प्रकार पोलिसांना सांगितला. तरुणाच्या तक्रारीवरून पोलिसांनी तरुणीसह तिच्या साथीदारावर गुन्हा दाखल केला. या प्रकरणाचा अधिक तपास पोलीस करत आहे.
