पाचोरा : – भाऊबीज साजरी करण्यासाठी आपल्या लाडक्या बहिणीचे आशिर्वाद घेण्यासाठी गेलेल्या पाचोरा येथील १७ वर्षीय युवकाचा वालझिरी ( ता. चाळीसगाव) येथील नदीपात्रात पाय घसरून पडल्याने पाण्यात बुडून मृत्यू झाला. भाऊबीज साजरी करण्यासाठी आपल्या लाडक्या बहिणीचे आशिर्वाद घेण्यासाठी गेलेल्या पाचोरा येथील १७ वर्षीय युवकाचा वालझिरी ( ता. चाळीसगाव) येथील नदीपात्रात पाय घसरून पडल्याने पाण्यात बुडून दुर्दैवी मृत्यू झाल्याची घटना दि. २७ ऑक्टोबर रोजी घडली आहे. राहुल सुरेश चौधरी (वय – १७) असे मयत तरुणाचे आहे.
पाचोरा शहरातील श्रीराम नगर येथील रहिवाशी राहुल सुरेश चौधरी हा युवक दि. २७ ऑक्टोबर रोजी भाऊबीजेसाठी आपल्या बहिणीकडे गेला होता. त्याने आपल्या बहिणीचे आशिर्वाद घेत मोठ्या उत्साहात भाऊबीज हा सण साजरा केला.
दरम्यान दि. २७ ऑक्टोबर रोजी दुपारी १२:३० वाजेच्या सुमारास राहुल हा वालझिरी (चाळीसगाव) येथे नवसाच्या कार्यक्रमात सहभागी झाला होता. यावेळी याठिकाणी नदीपात्राजवळ हात पाय धुण्यासाठी गेला असता अचानक राहुल याचा पाय घसरून तो थेट खोल पाण्यात पडला. सदरचा प्रकार त्याचे सोबत असलेल्या चिमुकल्यांनी परिवारातील सदस्यांना सांगितला असता तात्काळ उपस्थितांच्या मदतीने राहुल यास पाण्यातुन बाहेर काढण्यात आले. व लागलीच चाळीसगाव येथील ग्रामीण रुग्णालयात दाखल केले. मात्र, वैद्यकीय अधिकारी यांनी राहुल यास मृत घोषित केले.
घटनेनंतर कुटुंबीयांना मोठा धक्का बसला आहे. मयत राहुल चौधरी याचे पश्चात्य वृद्ध आई, बहिण, बहिण असा परिवार असुन राहुल चौधरी याच्या घरची परिस्थिती अत्यंत गरिबीची आहे.
हे वाचलंत का ?
- एरंडोल येथे खोट्या कारवाईचा बनाव करून चहा विक्रेत्याकडून १० हजारांची खंडणी; आ.अमोलदादा पाटील यांचे चार तास पोलीस ठाण्यात ठिय्या आंदोलन
- प्रत्येक बी.एल.ए.ने घराघरात जाऊन मतदारांची अचूक पडताळणी करा – आमदार मा.ॲड.अमोलदादा पाटील.
- एरंडोलला शिवसेनेने दिग्गजांना दिली पक्षीय जबाबदारी…
- एरंडोल येथे भारतरत्न डॉ.बाबासाहेब आंबेडकर जयंती उत्साहात साजरी.
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
