जळगाव :- सध्या महाराष्ट्रात राजकीय वातावरण चांगलेच तापले आहे अश्यातच आता शिवसेनेच्या नेत्या सुषमा अंधारे या उद्या जळगाव जिल्हा दौऱ्यावर असून त्यांची पहिलीच सभा मंत्री गुलाबराव पाटील यांचं होमटाऊन असलेल्या धरणगाव शहरात होत आहे. शिवसेनेच्या फायर ब्रँड नेत्या सुषमा अंधारे यांच्यावर शिंदे गटाचे मंत्री गुलाबराव पाटील यांनी टीका केली आहे. सुषमा अंधारे तीन महिन्यापूर्वीच पक्षात (उद्धव ठाकरे गट) आल्या असून त्या तीन महिन्यांचं बाळ असल्याचा टोला मंत्री गुलाबराव पाटील यांनी लगावला आहे. चोपडा मतदार संघातील धानोरा गावात पाणीपुरवठा मंत्री गुलाबराव पाटील यांच्या उपस्थितीत पाणीपुरवठा योजनेचा भूमीपूजन सोहळा पार पडला. या कार्यक्रमाला शिंदे गटाच्या आमदार लता सोनवणे, माजी आमदार चंद्रकांत सोनवणे यांची उपस्थिती होती.
कार्यक्रमानंतर मंत्री गुलाबराव पाटील यांनी पत्रकारांशी संवाद साधला. शिवसेनेच्या नेत्या सुषमा अंधारे या उद्या जळगाव जिल्हा दौऱ्यावर असून त्यांची पहिलीच सभा मंत्री गुलाबराव पाटील यांचं होमटाऊन असलेल्या धरणगाव शहरात होत आहे. यावर मंत्री गुलाबराव पाटील यांची प्रतिक्रिया जाणून घेतली असता सुषमा अंधारे या तीन महिन्यापूर्वीच उध्दव ठाकरे यांच्या शिवसेनेत आल्या आहेत.
ते तीन महिन्याच बाळ आहे, सुषमा अंधारे यांना बाई म्हणत गुलाबराव पाटील म्हणाले की, या बाईने बाळासाहेब ठाकरे, उद्धव ठाकरे तसेच आदित्य ठाकरे यांच्यावर केलेली चिखलफेक, तसेच हिंदू देवतांवर त्या काय काय बोलल्या आहेत, त्याच्याही क्लिप दाखवाव्यात. आम्ही आमच्यावर केलेल्या टीका सहन करणार नाही, असा इशारा मंत्री गुलाबराव पाटील यांनी अंधारे यांना दिला आहे.
रवी राणा यांनी त्यांचे शब्द मागे घ्यावेत असे मत मंत्री गुलाबराव पाटील यांनी व्यक्त केले होते. त्यानुसार आज रवी राणा यांनी केलेल्या वक्तव्याबद्दल माफी मागितली आहे. यावरही मंत्री गुलाबराव पाटील यांनी प्रतिक्रिया दिली आहे. ‘माझ्यासह ते आमदार होते त्यांच्या भावना मांडण्याचा प्रयत्न मी केला आहे. आमदार बच्चू कडू आणि आमदार रवी राणा हे दोघेही मित्र आहेत. त्यांनी समजून घेतल पाहिजे, हीच आपली भावना होती, नेत्यांच्या बैठकीत त्यांनी समजून घेतलं आणि निर्णय घेतला. यातून लोकांचा सभ्रम दूर करण्याचा प्रयत्न दोघानांही केला’, असं मत मंत्री गुलाबराव पाटील यांनी व्यक्त केलं.
हे वाचलंत का ?
- आजचे राशी भविष्य बुधवार दि. २७ नोहेंबर २०२४
- भरधाव वेगाने जाणा-या कारने रस्ता ओलांडत असलेल्या व्यक्तीस जोरदार धडक; उपचारादरम्यान मृत्यू.
- दोन गायी तीन गोवंश यांची निर्दयीपणे अवैध वाहतूक करणारे दोन वाहने जप्त. चौघांवर गुन्हा दाखल.
- वाहनावरील नियंत्रण सुटल्याने झालेल्या अपघातात चालकासह एरंडोल येथील पायी चालणाऱ्याच्या मृत्यू.
- जळगावात ८ वर्षीय चिमुकलीला गळफास देऊन आईनेही संपविली जीवनयात्रा,पतीने फोडला हंबरडा.
