दुपारी चार वाजताच्या सुमारास विवाहिता कुठेही सापडेनाशी झाल्याने मित्रांनी पोलिसांना फोन केला. स्थानिक रेस्क्यू टीम घटनास्थळी पोहोचले. त्यांनी धबधब्याकडे जाणारा संपूर्ण मार्ग हुडकून काढला.
पर्यटनासाठी बंद करण्यात आलेल्या धबधब्याच्या टोकावरुन सेल्फी घेण्याची हौस तरुण मातेला चांगलीच महागात पडली. ब्राझिलमधील सँटा कटरिना येथील कोरुपा धबधब्याच्या शिखरावरुन खाली कोसळून वाहून गेल्यामुळे २६ वर्षीय विवाहितेचा मृत्यू झाला. अमँडा फ्रँको डॉस सॅंटोस असं मयत महिलेचं नाव आहे. अमँडाच्या मृत्यूमुळे पाच वर्षांच्या चिमुकलीवरील मातृछत्र हरपलं आहे.
इन्स्टाग्रामसाठी फोटोशूट करण्यासाठी मॅफ्रा शहरात राहणारी अमँडा येथील प्रसिद्ध पर्यटन स्थळावर गेली. मात्र रविवार ३० ऑक्टोबर रोजी कोरुपा धबधबा पर्यटकांसाठी बंद ठेवण्यात आला होता. त्यामुळे तिघा मित्र-मैत्रिणींनी पर्यायी मार्गाने धबधबा गाठण्याचा निर्णय घेतला.
दुपारी चार वाजताच्या सुमारास अमँडा कुठेही सापडेनाशी झाल्याने मित्रांनी पोलिसांना फोन केला. स्थानिक रेस्क्यू टीम घटनास्थळी पोहोचले. त्यांनी धबधब्याकडे जाणारा संपूर्ण मार्ग हुडकून काढला. मात्र पहिल्या दिवशी त्यांना यश आलं नाही. मात्र अमँडाचा मृतदेह दोन दिवसांनी खडकाळ भागात सापडला
धबधब्याच्या टोकावर सेल्फी काढताना अमँडाचा पाय घसरला असावा, त्यामुळे ती थेट धबधब्याच्या कड्यावरुन अनेक फूट खाली कोसळली असावी. त्यानंतर वाहून गेल्यामुळे तिला प्राण गमवावे लागले असावेत, असा प्राथमिक अंदाज वर्तवण्यात येत आहे.
अमँडाच्या अपघाती निधनामुळे तिच्या पाच वर्षांच्या लेकीच्या डोक्यावरील मातृछत्र हरपलं आहे. तिच्या अकाली मृत्यूने कुटुंबावर दुःखाचा डोंगर कोसळला आहे. अमँडाच्या मावशीने तिच्या निधनाच्या बातमीनंतर टाहो फोडला. तिला स्वर्गात स्थान मिळावं, अशा प्रार्थना मावशीने केल्या.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
