मुंबई :- मुंबई गोवा महामार्गावर पेण जवळ भोगावती नदीपात्रात स्फोटके सापडल्याने खळबळ उडाली आहे. परिसरात भितीचे वातावरण आहे. स्फोटके निकामी करण्यासाठी अलिबाग आणि नवी मुंबई येथून बॉम्ब शोधक पथकाला पाचारण करण्यात आले आहे.
आज (गुरुवार) संध्याकाळी भोगावती नदी पात्रात महामार्गावरील पुलाखाली ही स्फोटके आढळून आली आहेत. डिटोनेटर आणि जिलेटीनच्या कांड्यांचा यात समावेश असल्याची प्राथमिक माहिती मिळाली आहे. या स्फोटकांना टायमर लावल्याचे दिसून येत आहे. त्यामुळे हे परिसरात भितीचे वातावरण आहे.
पोलीस घटनास्थळी दाखल झाले असून, नवी मुंबई आणि अलिबाग मधील बॉम्ब शोधक पथकांना घटनास्थळी पाचारण करण्यात आले आहे. नदी पात्रातून स्फोटक सुरक्षितपणे बाहेर काढून निकामी करण्याची कारवाई सुरु करण्यात आली आहे. स्फोटके नदी पात्रात कशी आणि कुठून आली याचा तपास सुरु करण्यात आला असल्याची माहिती अप्पर पोलीस अधिक्षक अतुल झेंडे यांनी दिली आहे. तसेच आसपासच्या परीसराला प्रशासनाने सर्तकतेचा इशारा देण्यात आला आहे.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
