कोल्हापूर :- कळंबा रोडवरील जनाई दत्तनगरमधील राजेश चौगुले या युवकाने काही दिवसांपूर्वी २१ लाख रुपये किमतीची स्पोर्ट्स बाईक खरेदी केली होती. शुक्रवारी पहाटे जळून ही बाईक खाक झाली. या बाईकसोबत येथील चार चाकी ही जळून खाक झाली आहे. आगीमध्ये दोन्ही वाहनं पूर्णतः जळून खाक झाल्याने चौगुले यांचं जवळपास ४० लाख रुपयांचे नुकसान झालं आहे. या आगीचे कारण अद्याप समजू शकलं नाही.

कळंबा येथील राजेश चौगुले या युवकाने गेल्या महिन्यात पश्चिम महाराष्ट्रात सर्वाधिक किमतीची दुचाकी खरेदी केली. या आनंदाने त्याने दुचाकीची ढोल ताशाच्या गजरात मिरवणूकही काढली. त्यामुळे गाडीची चर्चा जिल्हात रंगली. मात्र राजेश चौगुले याचा हा आनंद काही दिवसांचा ठरला. कारण आज पहाटे ही गाडी जळून खाक झाली. सोबत शेजारी असलेली चारचाकी गाडीदेखील जळून खाक झाली आहे.

दरम्यान, या वाहनांना आग कशी लागली? की जाणून बुजून ही आग लावली? याबाबत आता चर्चा सुरू झाली आहे. जुना राजवाडा पोलीस ठाण्यात याबाबत चौगुले यांनी फिर्याद दिली असून पोलीस त्याचा तपास करत आहेत.

कावासाकी निंजा झेडएक्स १० आर

वाजत गाजत मिरवणूक
गाडीची ढोल ताशांच्या गजरात वाजत गाजत मिरवणूकही काढली होती.

पश्चिम महाराष्ट्रात पहिलीच गाडी
पश्चिम महाराष्ट्रात इतकी महागडी पहिलीच गाडी असल्याने तिचं जंगी स्वागत केलं होतं.

शेअर मार्केटचा व्यवसाय
राजेश चौगले हा शेअर मार्केटिंगचा व्यवसाय करतो. त्याला गाड्यांची प्रचंड आवड आहे.

दिवाळीच्या पाडव्या खरेदी केलेली गाडी
त्याच्याकडे याआधीही बुलेट तसंच इतर स्पोर्ट्स बाईक आणि कार आहेत. मात्र यावर्षी त्याने दिवाळीच्या पाडव्याला तब्बल २१ लाखांची बाईक खरेदी

कोल्हापुरात जोरदार चर्चा
या गाडीच्या स्वागताची कोल्हापूरात जोरदार चर्चा झाली होती.

गाडी जळून खाक
गाडी खरेदी केल्यानंतर आता १७ दिवसांमध्येच जळून खाक झाली आहे.

हे वाचलंत का ?

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.