Maharashtra Politics | एकनाथ खडसे आजकाल काय बोलताहेत त्याच भान त्यांना नाही. ते आता बेभान झालेले आहेत. कधी रस्त्यावर उभे राहून हातात दगड घेतात, कधी मला चावट म्हणतात, माझ्याबद्दल वाटेल तसं ते बोलत आहेत. त्यांची मानसिक स्थिती बिघडली आहे. भोसरी प्रकरण जिल्हा दूध संघ प्रकरण यासारख्या अनेक त्यांच्या चौकशा सुरू आहेत. त्यात सबळ पुरावे मिळाल्याने एकनाथ खडसे अस्वस्थ झाले आहेत.
जळगाव : – सध्या महाराष्ट्रात राजकीय वातावरण चांगलेच तापले आहे अश्यातच गेल्या काही दिवसांपासून राष्ट्रवादी काँग्रेसचे नेते एकनाथ खडसे आणि भाजप आमदार गिरीश महाजन यांच्यात सुरु असलेल्या शाब्दिक वळणाने आता अत्यंत विखारी वळण घेतले आहे. एकनाथ खडसे यांनी अलीकडेच महाजन यांच्यावर टीका करताना त्यांना मुलगा नसल्याचे म्हटले होते. त्यावर गिरीश महाजन यांनी एकनाथ खडसे यांना त्यांच्याच भाषेत प्रत्यु्त्तर देताना एक खळबळजनक शंका उपस्थित केली आहे. एकनाथ खडसे यांच्या मुलाने आत्महत्या केली होती की त्याचा खून झाला होता, याचा तपास केला पाहिजे, असे गिरीश महाजन यांनी म्हटले. ते सोमवारी जळगावमध्ये प्रसारमाध्यमांशी बोलत होते. यावेळी गिरीश महाजन यांनी एकनाथ खडसे यांच्या अगदी वर्मी बसेल, असा घाव घातला.
खडसे यांच्यावर टीका करताना मंत्री गिरीश महाजन यांनी आज खडसेंना त्यांच्या मुलाच्या मृत्यूची आठवण करून देत जोरदार हल्लाबोल केला आहे. एकनाथ खडसेंच्या मुलाचा खून झाला होता की आत्महत्या, असा प्रश्न उपस्थित करत गिरीश महाजन यांनी एकनाथ खडसे यांना डिवचले. खडसेंच्या मुलाच्या मृत्यूप्रकरणाचा तपास करण्याची गरज आहे. मला जास्त बोलायला लावू नका. त्यामध्येच एकनाथ खडसे यांचे भले आहे. खरंतर मला याबाबत बोलायचे नाही. पण आपल्या मुलाचं नेमकं काय झालं, याचं उत्तर एकनाथ खडसे यांनी द्यावे, असे गिरीश महाजन यांनी म्हटले.
एकनाथ खडसे आजकाल काय बोलताहेत त्याच भान त्यांना नाही. ते आता बेभान झालेले आहेत. कधी रस्त्यावर उभे राहून हातात दगड घेतात, कधी मला चावट म्हणतात, माझ्याबद्दल वाटेल तसं ते बोलत आहेत. त्यांची मानसिक स्थिती बिघडली आहे. भोसरी प्रकरण जिल्हा दूध संघ प्रकरण यासारख्या अनेक त्यांच्या चौकशा सुरू आहेत. त्यात सबळ पुरावे मिळाल्याने एकनाथ खडसे अस्वस्थ झाले आहेत. एकनाथ खडसे साहेब हे मुख्य पदाच्या लेव्हलचे आहेत, ज्येष्ठ नेते आहेत. मात्र असं असतानाही ते कमरेखालची भाषा बोलत आहेत, असे गिरीश महाजन यांनी म्हटले.
महाजन-खडसे वाद का उफाळला?
एकनाथ खडसे यांनी गेल्यावेळी टीका करताना, ‘बरं झालं गिरीश महाजन यांना मुलगा नाही’, असे वक्तव्य केले होते. यालाही गिरीश महाजन यांनी जोरदार उत्तर दिलं आहे. मुलगा नसणं हे काही दुर्दैव नाही. मला दोन मुली आहेत हे मात्र माझं सुदैव आहे. एकनाथ खडसे यांना मुलगा होता, त्याचं काय झालं, त्याच उत्तर खडसे यांनी द्यावं. खरं तर मला हा विषय बोलायचं नाही. मात्र, ते जर माझ्या मुलाबाळांवर जात असतील तर.., असे मंत्री गिरीश महाजन म्हणाले. तुम्हाला एक मुलगा होता त्याचं काय झालं? आत्महत्या झाला की खून झाला हे तपासण्याची गरज आहे. मला जास्त बोलायला लावू नका, अशा शब्दात गिरीश महाजन यांनी एकनाथ खडसे यांना निर्वाणीचा इशारा दिला.
खडसेंच्या मुलाची आत्महत्या
एकनाथ खडसे यांचा मुलगा निखिल खडसे यांनी २०१३ साली मुक्ताईनगर येथे राहत्या घरी स्वत:च्या डोक्यात गोळ्या झाडून आत्महत्या केली होती. स्वत:च्या परवाना असलेल्या पिस्तूलातून त्यांनी स्वत:च्या डोक्यात गोळ्या झाडल्या होत्या. यामध्ये त्यांचा मृत्यू झाला होता. निखील खडसे यांच्यानंतर त्यांच्या पत्नीने त्यांचा राजकीय वारसा पुढे नेला होता. रक्षा खडसे या सध्या रावेर लोकसभा मतदारसंघाच्या खासदार आहेत.
हे वाचलंत का ?
- आजचे राशी भविष्य बुधवार दि. २७ नोहेंबर २०२४
- भरधाव वेगाने जाणा-या कारने रस्ता ओलांडत असलेल्या व्यक्तीस जोरदार धडक; उपचारादरम्यान मृत्यू.
- दोन गायी तीन गोवंश यांची निर्दयीपणे अवैध वाहतूक करणारे दोन वाहने जप्त. चौघांवर गुन्हा दाखल.
- वाहनावरील नियंत्रण सुटल्याने झालेल्या अपघातात चालकासह एरंडोल येथील पायी चालणाऱ्याच्या मृत्यू.
- जळगावात ८ वर्षीय चिमुकलीला गळफास देऊन आईनेही संपविली जीवनयात्रा,पतीने फोडला हंबरडा.
