धुळे : – सध्या देशात घातपात झाल्याचा घटनांमध्ये दिवसेंदिवस वाढ होत आहे अश्यातच दिल्लीत श्रद्धा वालकरच्या हत्याने अख्या देश हरला आहे. प्रियकराने श्रद्धा वालकरची हत्या करून ३५ तुकडे केले होते,. दरम्यान, अशातच धुळ्यातून एक धक्कादायक घटना समोर आलीय. लग्नाशिवाय एकत्र राहत असलेल्या प्रियकर तरुणाने प्रेयसीला धमकी देत ७० तुकडे करण्याची धमकी दिली आहे. यानंतर प्रेयसीने पश्चिम देवपूर पोलिस ठाण्यात जाणून फिर्याद दिली. यावेळी आपल्याला सक्तीने धर्मांतर करायला लावले, पहिल्या पतीपासून झालेल्या मुलाचेही धर्मांतर करण्याचा प्रयत्न करण्यात आला आणि या तरुणाच्या पित्याने आपल्यावर अनैसर्गिक अत्याचार केले असा गंभीर आरोप पीडितेने केला आहे.
देवपूर पश्चिम पोलिस ठाण्यात दाखल झालेल्या या फिर्यादीनुसार, अर्शद सलीम मलिक नावाच्या ‘लिव्ह इन रिलेशनशिप’ मध्ये राहणाऱ्या तरुणाने काही दिवसांपूर्वी ही धमकी दिली होती. जुलै २०२१ पासून हे दोघे एकत्र राहतात. त्याआधी ४ एप्रिल २०१६ला तिचा पहिला विवाह झाला होता. २०१७ मध्ये तिला मुलगा झाला आणि २०१९ मध्ये तिच्या पतीचे अपघाती निधन झाले.
त्यानंतर तिची एका हर्षल माळी नावाच्या तरुणाशी ओळख झाली. त्याने तिला लळिंग येथे नेऊन तिच्यावर अत्याचार केले. त्याचा व्हिडिओ बनवून तिला धमकावले. त्यानंतर त्यांनी एकत्र राहण्याचा निर्णय घेतल्यावर जुलै २०२१ मध्ये लिव्ह इन रिलेशनशिपबाबत अमळनेर येथे प्रतिज्ञापत्र तयार करायला गेले. ते करताना या तरुणाचे नाव हर्षल माळी नसून अर्शद सलीम मलिक असल्याचे तिला समजले.
त्यानंतर अर्शदने तिला उस्मानाबाद येथे एका फ्लॅटमध्ये नेले. तिथे त्याचा पिता सलीम बशीर मलिक याने तिच्यावर अनैसर्गिक अत्याचार केले, असे फिर्यादीत नमूद करण्यात आले आहे. चार महिन्यांनी अर्शदने तिला धुळे शहरातील विटा भट्टी भागातील घरी आणले. २६ ऑगस्ट २०२२ला तिला दुसरा मुलगा झाला. त्यानंतरही सलीम बशीर मलिककडून तिच्यावर वारंवार अनैसर्गिक अत्याचार होतच होते.
दरम्यानच्या काळात अर्शदने तिचे धर्मांतर करवून घेतले. तिच्या पाच वर्षांच्या पहिल्या मुलाचा देखील धर्मांतर करण्याचा प्रयत्न केला. मात्र, त्याला विरोध केल्यामुळे अर्शदने तिला दिल्लीतील श्रद्धा वालकरच्या घटनेची आठवण करून दिली. तो तिला म्हणाला की, “श्रद्धाचे तर फक्त ३५ तुकडे केले गेले, तुझे आम्ही ७० तुकडे करू”, म्हणत त्याने पीडितेला धमकावले, असा धक्कादायक आरोप फिर्यादीने केला आहे.
याप्रकरणी अर्शद आणि सलीम या दोघांवर गुन्हा नोंदवण्यात आला असून दोघींना पोलिसांनी ताब्यात घेतले आहे. या संदर्भात पुढील तपास पोलीस करत असल्याची माहिती पोलीस अधीक्षक संजय बारकुंड यांनी पत्रकारांशी बोलताना दिली.
हे वाचलंत का ?
- अटकेची कारवाई टाळण्यासाठी 15 हजारांची लाच स्वीकारताना पारोळा पोलीस ठाण्यातील हवालदारास एसीबीने रंगेहाथ पकडले तर दुसरा फरार.
- जळगावात कमरेला गावठी पिस्तूल लावून दहशत माजविणाऱ्या तीन जणांवर पोलीसांची कारवाई.३ गावठी पिस्तूलासह ३ जिवंत काडतुस जप्त.
- दोघांचं एकमेकांवर प्रेम, घरच्यांनी लग्नाला दिली संमती लग्नाच्या एक रात्री आधी वर शिरला वधूच्या खोलीत, आणि………
- आजचे राशी भविष्य बुधवार दि. २७ नोहेंबर २०२४
- भरधाव वेगाने जाणा-या कारने रस्ता ओलांडत असलेल्या व्यक्तीस जोरदार धडक; उपचारादरम्यान मृत्यू.
