चाळीसगाव : – सध्या महाराष्ट्रात महिला लैंगिक अत्याचाराची घटना काही केल्या कमी होत नाहीये अश्यातच जळगाव जिल्ह्यातील चाळीसगाव तालुक्यातील एका गावाजवळील तलावाजवळ २५ वर्षीय मूकबधीर तरुणीला मारहाण करीत तिच्यावर रात्रभर अत्याचार करण्यात आल्याची माणुसकीला काळिमा फासणारी घटना समोर आली आहे. या प्रकरणी बुधवारी तिघांविरोधात मेहुणबारे पोलिस ठाण्यात अत्याचाराचा गुन्हा दाखल करण्यात आला. ही घटना रविवारी रात्री घडली. उपचारांनंतर तरुणीने पोलिसांत धाव गेत फिर्याद दिली आहे.
अशी आहे घटना ?
चाळीसगाव तालुक्यातील एका गावात पंचवीस वर्षीय मूकबधीर तरुणी राहते. याच गावातील तलावाजवळ तिच्यावर रविवारी अत्याचार करण्यात आला. तीन संशयितांपैकी दोघांनी तिच्या डोक्यावर मारले. त्यानंतर त्यातील एकाने पीडितेवर अत्याचार केला. रविवारी रात्री ८ वाजेपासून सोमवारी पहाटे पाच वाजेपर्यंत तिघे तरुण तिच्यावर अत्याचार करीत होते. गंभीर अवस्थेत सोमवारी सकाळी ही तरुणी घरी पोहोचली. यानंतर तिने घडलेला प्रकार कुटुंबीयांना सांगितला.
मूकबधिर असल्यामुळे तिने पोलिसांना माहिती देण्यासाठी विशेष शिक्षिकेला पाचारण करण्यात आले होते. त्यानंतर इशाऱ्यांद्वारे पीडितेने हा सर्व प्रकार सांगितला. अत्याचार करणारे समोर आल्यास त्यांना ओळखेल, अशी माहितीदेखील तिने दिली. या प्रकरणी मेहुणबारे पोलिसात गुन्हा दाखल करण्यात आला असून, पुढील तपास सहाय्यक पोलिस अधीक्षक अभयसिंग देशमुख करीत आहेत. तरुणीवर शासकीय रुग्णालयात उपचार सुरू आहेत. या घटनेनंतर तीनही संशयित बेपत्ता झाले आहेत. ते शेजारच्या गावातील असल्याचा संशय पोलिसांनी व्यक्त केला आहे.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
