पाथर्डी तालुक्यात एक विचित्र घटना घडली आहे. अपहरणकर्त्यांनी पाठलाग करणाऱ्या नागरिकांना ठार केल्याची माहिती समोर आली आहे. गावात सोन्याचे लॉकेट चोरण्यासाठी मुलाचे अपहरण करण्यात आलं. मुलाचं अपहरण झाल्याचं समजताच नागरिकांनी अपहरणकर्त्यांचा पाठलाग केला आणि अपहरणकर्त्यांनी दोघा नागरिकांना उडवल्याची धक्कादायक घटना घडली आहे.
अहमदनगरच्या पाथर्डी तालुक्यातील ही घटना आहे. मायंबा सावरगाव महामार्गावर एका शाळकरी मुलाला मारहाण करुन त्याच्या गळ्यातील सोन्याचं लॉकेट चोरी करायचा होता. मात्र अपहरणकर्त्यांना गळ्यातील सोन्याचं लॉकेट काढता येईना म्हणून त्यांनी मुलाचंच अपहरण केलं.मुलाचं अपहरण झाल्याचं नागरिकांच्या लक्षात आलं. अपहरण झाल्याचं समजताच नागरिकांनी अपहरणकर्त्यांचा पाठलाग सुरु केला. नागरिकांनी जवळपास हा पाठलाग पाथर्डीमागे तिसगावपर्यंत केला.तिसगावमध्ये आल्यावर अपहरणकर्त्यांच्या गाडीनं गंगाधर बुधवंत आणि रमेश नरोडे या दुचाकीस्वारांना उडवलं. या अपघातात ते दोघे जागीच ठार झाले. तर तीन जण जखमी झाले.या अपघातात अपहरणकर्त्यांची गाडी तासगाव येथील एका दुकानाला जाऊन धडकली. अपहरणकर्त्यांच्याच गाडीचा अपघात झाल्यानं गाडी बंद पडली. त्यानंतर गाडीमधील तीन अपहरणकर्ते फरार झाले. त्यातील एका जखमी अपहरणकर्त्याला नागरिकांनी पकडून पोलिसांच्या स्वाधीन केलं आहे.
