एरंडोल:- तालुक्यातील खडकेसिम येथील शेताची राखण करणाऱ्या मजुरांस जबर मारहाण करून त्याच्या जवळ असलेला मोबाईल हिसकावून पडून गेलेल्या दोन आरोपींना एरंडोल पोलिसांनी तीन तासाच्या आत जेरबंद केले. याबाबत सविस्तर माहिती अशी की एरंडोल पोलीस ठाणे येथे दिंनाक १४/१२/२०२२ रोजी शेताची राखण करणारा मजूर गोंविदा धनसिंग पाटील रा. खडकेसिम ता.एरंडोल जि जळगाव यांच्या फिर्यादीवरुन एरंडोल पोलीस ठाणे गु.रं.क्रं. २३१/२०२२ कलम ३९४,३४ भादवि अन्वये गुन्हा नोंद करण्यात आला होता.
शेताची राखण करणारा मजूर गोंविदा धनसिंग पाटील मुंकूद महाजन यांच्या गिता सिंमेट फार्म हाऊस मध्ये शेतीमजुरी व राखण करण्याचे काम करतात. दिनाक १२/१२/२०२२ रोजी रात्री १०.०० वाजताच्या सुमारास एरंडोल केवडीपुरा परीसरात राहणारे इसम नामे सुक्या व उम्या व १ अनोळखी इसम हे नमुद फार्म हाऊस मध्ये गेले व तेथे शेताची राखण करीत असलेले तक्रारदार गोंविदा पाटील व त्यांचा सहकारी नामे राजु चव्हाण यांना शिवीगाळ करुन त्यंाना दोंघाना लाकडी दांडक्याने मारहाण करुन त्यांच्या कडे असणारे किंमत अंदाजे १४५००/- रुपयाचे मोबाईल बळजबरीने हिसकावुन पळुन गेले बाबतच्या हकीगतीवरुन वर नमुदप्रमाणे गुन्हा दाखल करण्यात आला.
नमुद गुन्हयाचे अनुशंगाने पोलीस निरीक्षक ज्ञानेश्वर जाधव यांनी तात्काळ तपासाची सुत्रे फिरवुन गुन्हयाचा तपास सहायक पोलीस निरीक्षक गणेश अहीरे यांच्याकडे सोपवुन पोलीस उपनिरीक्षक शरद बागल यांना आरोपीतांना तात्काळ शोधुन आणुन अटक करण्याचे आदेशीत केले त्यावरुन पोलीस उपनिरीक्षक शरद बागल, हवालदार अनिल पाटील, पोलीस नाईक / कुमावत, अकील मुजावर, पोकों पाचपोळ यांच्या सह रवाना झाले
पोलीस उपनिरीक्षक शरद बागल यांना मिळालेल्या गोपनीय माहीतीनुसार आरोपीत इसम हे गुन्हयाची कुणकुण लागताच एरंडोल शहरातुन पोबारा करणार होते. त्यावरुन मिळालेल्या माहीतीनुसार पोलीस उपनिरीक्षक शरद बागल यांनी पथकातील अंमलदारांना विखरण रोडवरील अंजनी कालव्याच्या पाटचारीत सापळा रचण्याचे सुचना दिल्या होत्या तेथील पाटमोरीच्या आडोशाला ०२ इसम संशयीत बसलेल्या स्थितीत हवालदार अनिल पाटील यांना दिसले त्यांनी खुण करुन पथकातील अंमलदारांना इशारा केला त्या ०२ संशयीत इसमांनी पोलीसांना पाहुन पळुन जाण्याचा प्रयत्न केला परंतु पोलीसांनी शिताफीने पाठलाग करुन त्यांना ताब्यात घेतले त्यांच्या कडे विचारपुस करता त्यांनी त्यांच्या नावे सुकलाल उर्फ सुक्या हरी बागुल व उमेश उर्फ उम्या गोकुळ मोरे दोन्ही राहणार केवडीपुरा ता. एरंडोल असे सांगीतले नमुद गुन्हयात त्यांचा स्पष्ट सहभाग निष्पन्न झाल्याने त्यांना नमुद गुन्हयात अटक करण्यात आली आहे. पोलीसांनी केलेल्या कामगीरीचे सर्व स्तरातून कौतुक होत आहे. दिनाक १५/१२/२०२२ रोजी मा. न्यायालयात आरोपीतांना हजर केले असता, त्यांना न्यायालयाने ०१ दिवसाची पोलीस कोठडी सुनावली आहे पुढील तपास पोलीस निरीक्षक ज्ञानेश्वर जाधव यांच्या मार्गदर्शनाखाली सहायक पोलीस निरीक्षक गणेश अहिरे करीत आहेत.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
