जळगाव : सध्या महाराष्ट्रात अपघातच्या घटनांमध्ये दिवसेंदिवस वाढ होत आहे अश्यातच जळगावमध्ये एका अज्ञात वाहनाने कट मारल्याने कापसाचा भरलेला ट्रक रस्ता लगत उलटल्याची घटना घडली आहे. या घटनेत ट्रकमधील एक तरुण जागीच ठार झाला असून सात जण गंभीर जखमी झाले आहेत. जळगाव तालुक्यातील ममुराबाद विदगाव रस्त्यावर हा अपघात झाला जखमींना जळगावमधील शासकीय वैद्यकीय महाविद्यालयात उपचारासाठी दाखल करण्यात आलं आहे. राज रवींद्र अहिरे (वय-२०, रा. मुंगटी ता. जि. धुळे) असे मृत झालेल्या तरुणाचे नाव आहे.
धुळे जिल्ह्यातील मुंगटी येथील ट्रक क्रमांक (एम.एच १८ एए १०८०) हा ट्रक मजुरांसह यावल येथील डांभुर्णी येथे कापूस भरण्यासाठी गेला होता. त्यानंतर गुरुवारी १५ डिसेंबरला सकाळी ट्रकमध्ये कापूस भरून परत मुंगटी येथे जाण्यासाठी निघाला होता. दुपारी ३ वाजेच्या सुमारास ममुराबाद ते वीदगाव रस्त्यावरील फार्मसी कॉलेजजवळून जात असताना समोरून येणाऱ्या अज्ञात वाहनाने ट्रकला कट मारला.
यात ट्रक चालकाचा ट्रकवरील ताबा सुटल्याने ट्रक पलटी झाला. या अपघातात राज रवींद्र अहिरे हा तरुण जागीच ठार झाला तर प्रमोद संभाजी पाटील (वय-४०), भरत दगडू पाटील (वय-३२), दिगंबर दिलीप पाटील (वय-३०), रवींद्र बारकू भिल अहिरे (वय-५०), जितेंद्र पवार (वय-३५), निंबा दगडू पाटील (वय-३६) आणि बुधा पाटील (वय-६०) सर्व राहणार मुंगटी ता. जि.धुळे हे गंभीर जखमी झाले आहेत.
जखमींना तातडीने शासकीय वैद्यकीय महाविद्यालयात रवाना केले आहे. याप्रसंगी जिल्हा रुग्णालयात नातेवाईकांनी गर्दी केली होती. या घटनेबाबत अद्याप पोलिसात कुठलीही नोंद करण्यात आलेली नाही.
हे वाचलंत का ?
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
