जळगाव,(प्रतिनिधी)- सध्या महाराष्ट्रात राजकीय वातावरण चांगलेच तापले आहे अश्यातच संपूर्ण राज्यभर चर्चेत राहिलेल्या जळगाव जिल्हा दूध संघाच्या निवडणूक नंतर चेअरमन पदी कुणाची वर्णी लागते याकडे सर्वांचे लक्ष लागून होते. चेअरमन पदासाठी अनेक नावं चर्चेत असताना चेअरमन निवडीच्या पार्श्वभूमीवर संचालक मंडळाची बैठक शनिवार दिनांक १७ रोजी आयोजित करण्यात आली होती या नूतन संचालक मंडळाच्या बैठकीत मंत्री गिरीष महाजन यांचे निकटवर्तीय चाळीसगावचे भाजपाचे आमदार मंगेश चव्हाण यांच्या नावावर शिक्कामोर्तब झाले आहे मात्र या संदर्भात अधिकृत घोषणा आज रविवार, १८ रोजी होणार आहे.
शनिवारी रात्री उशिरा ११ वाजेपर्यंत नूतन संचालकांची बैठक झाली. या बैठकीला ग्रामविकास मंत्री गिरीश महाजन, पालकमंत्री गुलाबराव पाटील यांच्यासह संचालक उपस्थित होते. जिल्हा दूध संघाच्या निवडणुकीत आमदार मंगेश चव्हाण यांची मोठी भूमिका आहे.
खडसेंच्या विरुद्ध बंड पुकारून निवडणुकीत रंगत आणली, तर मुक्ताईनगर मतदार संघातून मंदाकिनी खडसे यांना त्यांच्याच मतदार संघातून आव्हान देत विजय मिळविला या विजयामुळे मंगेश चव्हाण राज्याच्या राजकारनात चर्चेत आले.दरम्यान चेअरमनपदी कुणाची वर्णी लागते याकडे सर्वांचेच लक्ष लागून होते अखेर आमदार चव्हाण यांच्याच नावावर बैठकीत शिक्कामोर्तब झाले आहे.
हे वाचलंत का ?
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
