जळगाव :- भविष्य सांगतो म्हणत दोन भामट्यांनी एका ६५ वर्षीय वृद्धेला फसवल्याची घटना जळगावात घडली आहे. यावेळी या भामट्यांनी तिच्या गळातील ८ ग्रॅम वजनाची सोन्याची पोत लांबवली. याप्रकरणी दोन अज्ञातांविरोधात गुन्हा दाखल करण्यात आली आहे.
तुमच्या घरी लक्ष्मी आलीय. तुम्ही भाग्यशाली आहात. मी तुमचे भविष्य सांगतो. दुनियादारी चांगली नाही, तुम्ही तुमच्या गळ्यातील पोत काढून कागदाच्या पुडीत बांधून ठेव, असं सांगत दोन जणांनी हातचलाखी करत वृद्धेच्या गळ्यातील ८ ग्रॅम वजनाची सोन्याची पोत लांबविल्याची घटना जळगावात समोर आली आहे. याप्रकरणी गुरुवारी शहर पोलीस ठाण्यात दोन अज्ञात व्यक्तींविरुद्ध गुन्हा दाखल करण्यात आला आहे.
..
कानळदा येथे कमलबाई रामचंद्र सोनवणे वय ६५ या कुटुंबियांसह वास्तव्यास आहे. जळगावातील त्यांच्या नातीला बाळांतपणासाठी शाहूनगरातील एका रुग्णालयात दाखल केले आहे. बुधवारी सकाळी ११ वाजेच्या सुमारास कमलबाई या नातीकरीता जेवणाचा डबा देण्यासाठी गेल्या होत्या. डबा देवून साडेबारा वाजेच्या सुमारास त्या पायी घराकडे जाण्यासाठी निघाल्या.
यादरम्यान, दुपारी १२:३० वाजण्याच्या सुमारास नूतन मराठा कॉलेजच्या समोर रस्त्याने पायी चालत असतांना याचवेळी दोघं भामट्यांनी कमलबाई यांना थांबवले. तुमच्या घरी लक्ष्मी आली आहे. मी तुमचे भविष्य सांगतो असे म्हणून कमलबाई यांना रस्त्याच्या बाजूला बसवले. तसेच दुनियादारी चांगली नाही तुझ्या गळ्यातील पोत कागदावर ठेव आणि घरी गेल्यावरच उघड मागे बघू नको, असे त्यांनी वृद्धेला सांगितले. याचदरम्यान भामट्यांनी कागदाची पुडीची अदलाबदली केली.
रुग्णालयात गेल्यावर पुडी उघडली तर त्यात सोन्याची पोत नव्हती
वृद्धेने गळ्यातील पोत काढून कागदावर ठेवत शाहूनगर परिसरातील हॉस्पिटलमध्ये गेली. यानंतर वृद्ध महिलेने हातातील पुडी आपल्या नातीकडे दिली. तिने पुडी उघडून बघितली असता त्यात सोन्याची पोत दिसून आली नाही. आपली फसवणूक झाल्याची खात्री झाल्यानंतर गुरुवारी वृद्धेने शहर पोलिसात धाव घेत तक्रार दिली. त्यानुसार दोन अज्ञात चोरट्यांविरोधात गुन्हा दाखल करण्यात आला असून पुढील तपास पोलीस हेडकॉन्स्टेबल सिंकदर तडवी हे करीत आहेत.
हे वाचलंत का ?
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
