जळगाव : – लग्नासाठी विवाहीतेसह तिच्या नवऱ्याला तसेच मुलीला जीवे मारण्याची धमकी देण्यात आल्याचा प्रकार उघडकीस आला आहे. तसंच, लग्नासाठी ब्लॅकमेल केल्याचाही प्रकार घडला आहे. पत्नीला घटस्फोट दिल्यानंतर तिच्याच विवाहित मैत्रिणीला वारंवार मोबाईलवर फोन करून ब्लॅकमेल करून लग्न करण्याची मागणी केल्याचा धक्कादायक प्रकार उघडकीला आला आहे. याबाबत जिल्हापेठ पोलीस ठाण्यात शनिवारी सायंकाळी ५ वाजता गुन्हा दाखल करण्यात आला आहे. जितेंद्र सुभाष पाटील (पुर्ण पत्ता माहित नाही) असे संशयित आरोपीचे नाव आहे.

जळगाव शहरातील एका ठिकाणी जितेंद्र याची पत्नी कामाला आहे. पत्नीशी बोलण्यासाठी जितेंद्र याने पत्नीच्या ऑफिसमध्ये काम करणाऱ्या पत्नीच्या मैत्रिणीचा नंबर मिळविला. पत्नीशी मतभेद झाले असून ती फोन उचलत नाही, त्यामुळे ड्युटीवर असतांना तुमच्या नंबरवर फोन करेल, पत्नीशी बोलणे करुन द्या असे जितेंद्र याने पत्नीच्या मैत्रिणीला सांगितले. मैत्रिणीने ही बाब जितेंद्रच्या पत्नीला सांगितली असता, जितेंद्र याच्यासोबत घटस्फोट झाला असून त्याच्याशी माझा काही एक संबंध नाही, तसेच तु त्याच्या कॉल घेवू नको, असे जितेंद्र याची पत्नी हिने तिच्या मैत्रिणीला सांगितले.

जितेंद्रच्या पत्नीच्या मैत्रिणीला जितेंद्र यास नकार दिला असता, त्याने तिला आमिष दाखविले. याचदरम्यान जितेंद्रने मैत्रिणीला दुचाकी घ्यावयाची असल्याने ती एका फायनान्सच्या कार्यालयात गेली. त्याठिकाणी जितेंद्र हा सुध्दा गाड्या फायनान्सेचे काम करत होता. त्याने एक गाडी पत्नीच्या मैत्रिणीला फायनान्स करुन दिली. याच फायनान्सच्या बहाण्याने जितेंद्र हा त्याच्या पत्नीच्या मैत्रिणीला वारंवार फोन करायचा. एके दिवशी त्याने तू मला खूप आवडते, मी माझ्या पत्नीला घटस्फोट दिलेला आहे, मला तुझ्यासोबत लग्न करायचे आहे, असे जितेंद्र याने पत्नीच्या मैत्रिणीला सांगितले. त्यावेळी तिने मला एक मुलगी आहे, मी तुझ्याशी लग्न करु शकत नाही, असे सांगितले तसेच माझा नाद सोड, यापुढे मला फोन करायचा नाही, असे जितेंद्रच्या पत्नीच्या मैत्रिणीने जितेंद्र याला सांगितले.

त्यावर जितेंद्र याने तु माझ्याशी फोनवर रोज बोलली नाही, अथवा माझ्याशी लग्न केले नाही, तर मी तुला तुझ्या मुलीला व तुझ्या नवऱ्याला जिवंत सोडणार नाही, अशी धमकी जितेंद्र याने त्याच्या पत्नीच्या मैत्रिणीला दिली. तसेच नवऱ्याला भेटून चुकीचे सांगून संसार मोडेल, अशा धमक्या दिल्या. याचदरम्यान जितेंद्र हा तिला बघण्यासाठी तिच्याघराकडे सुद्धा चकरा मारत होता. याचदरम्यान जितेंद्रच्या अशा वागण्यमुळे संसार मोडू शकतो, तसेच तिच्या व तिच्या मुलीच्या व पतीच्या जीवाला धोका आहे, असे लक्षात आल्यावर जितेंद्रच्या पत्नीच्या मैत्रिणीने याबाबत शनिवारी जिल्हापेठ पोलीस ठाण्यात तक्रार दिली. भविष्यात माझ्या कुटुंबाचे काही बरे वाईट झाल्यास त्यास जितेंद्र हाच जबाबदार असल्याचेही तक्रारीत नमूद असून या तक्रारीनुसर जितेंद्र पाटील याच्याविरोधात जिल्हापेठ पोलीस ठाण्यात गुन्हा दाखल करण्यात आला आहे.

हे वाचलंत का ?

• एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
• Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
• आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
• पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
• सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.