एरंडोल शहर प्रतिनिधी
जे एस जाजू हायस्कूल उत्राण ता.एरंडोल जि.जळगाव येथील इंग्रजी विषयाचे शिक्षक भरत शिरसाठ सर हे दुसऱ्यांदा सेट परीक्षा उत्तीर्ण झाले आहेत. इंग्रजी विषयात त्यांनी ही परीक्षा उत्तीर्ण केली आहे. 26 सप्टेंबर 2021 रोजी सदर परीक्षा युजीसी व पुणे विद्यापीठ मार्फत घेण्यात आली होती. आज दिनांक 28 जानेवारी 2022 रोजी सदर परीक्षेचा निकाल जाहीर झाला.
या आधी ते शिक्षणशास्त्र विषयांमध्ये सेट परीक्षा उत्तीर्ण झालेले आहेत. भरत शिरसाठ यांची प्रादेशिक विद्या नाशिक येथे इंग्रजी विषय सहाय्यक म्हणून एससीइआरटी मार्फत घेतलेल्या परीक्षेद्वारे निवड झाली होती. भरत शिरसाठ यांची दोन इंग्रजीची पुस्तके प्रसिद्ध आहेत. त्याचबरोबर मराठीची सुद्धा तीन पुस्तके प्रकाशित आहेत. इंग्लिश टीचर्स वेलफेअर असोसिएशन जळगावचे ते संस्थापक अध्यक्ष आहेत. इंग्रजी विषयासाठी त्यांनी जिल्हा व राज्यस्तरावर तज्ञ मार्गदर्शक म्हणून काम केले आहे. इंग्रजी विषय शिक्षकांसाठी जिल्हा मेंटर म्हणून सुद्धा त्यांनी काम केले आहे.
त्यांच्या या यशाबद्दल इंग्लिश टीचर्स वेलफेअर असोसिएशन, महाराष्ट्र राज्य समता शिक्षक परिषद आणि जिल्हाभरातील इंग्रजी शिक्षकांमार्फत त्यांचे अभिनंदन होत आहे.
