नागपूर कसोटीत सामनावीर पुरस्काराने गौरविण्यात आलेल्या रवींद्र जडेजावर आंतरराष्ट्रीय क्रिकेट परिषदेने (आयसीसी) कडक कारवाई केली. चेंडूशी छेडछाड प्रकरणी आयसीसीने जडेजाला एक डी-मेरिट पॉइंट दिला आणि त्याला मॅच फीच्या २५ टक्के दंड ठोठावला.
गोलंदाजी करताना जडेजा आपल्या बोटावर क्रीम लावत असताना त्याच्या हातात एक चेंडूही होता. अशा स्थितीत आयसीसीच्या नियमांनुसार त्याला दोषी मानण्यात आले. परवानगीशिवाय बोटाला पेनकिलर क्रीम लावल्यामुळे जडेजावर ही कारवाई करण्यात आली. नागपूर कसोटी संपल्यानंतर आयसीसीने एक निवेदन प्रसिद्ध करून जडेजाला आचारसंहितेचा भंग केल्याप्रकरणी दोषी ठरविले.
या घटनेनंतर भारतीय क्रिकेट नियामक मंडळाच्या (बीसीसीआय) अधिकाऱ्याने या प्रकरणाची माहिती दिली. बोर्डाच्या सूत्रांनी पीटीआय या वृत्तसंस्थेला सांगितले होते की, “बोटातील वेदना कमी करण्यासाठी हे मलम आहे. जडेजाने गुन्हा कबूल केला आणि एमिरेट्स आयसीसी एलिट पॅनेल ऑफ मॅच रेफरीच्या अँडी पायक्रॉफ्टने प्रस्तावित केलेला दंड स्वीकारला. त्यामुळे औपचारिक सुनावणीची गरज भासली नाही.”
नागपूरच्या खेळपट्टीवर भलंमोठ्ठं प्रश्नचिन्ह
अलिकडच्या काळात कसोटी सामने निकाली ठरत आहेत. तर कित्येक सामने २-३ दिवसांतच संपत आहेत. नागपूर खेळपट्टीवर ह्या निमित्ताने भलंमोठ्ठं प्रश्नचिन्ह लागलं आहे. भविष्यात येथे सामने खेळवण्या बाबत आंतरराष्ट्रीय समिती नक्कीच विचारमंथन करेल यात शंका नाही. भारतीय गोलंदाजी खरंच इतकी भेदक आहे का? भारतीय गोलंदाज जिथे कधीच सातत्य दाखवत नाहीत तिथे ३ दिवसांत ऑस्ट्रेलिया संघ ३ दिवसांत कसा काय धारातिर्थी पडू शकतो? असे एक ना अनेक प्रश्न या घटनेनंतर भारतीय क्रिकेट नियामक मंडळाला विचारले जातील. त्याची योग्य ती उत्तरच नागपूर खेळपट्टीचं भवितव्य ठरवणार आहेत.
भारत आणि ऑस्ट्रेलिया यांच्यात दुसरा कसोटी सामना १७ फेब्रुवारी पासून सुरू होणार आहे.
हे पण वाचा
- Viral Video: पोलीस स्टेशनबाहेरच गर्लफ्रेंड आणि बॉयफ्रेंडमध्ये जोरदार राडा; दोघांनी एकमेकांना धु धु धुतले पहा धक्कादायक व्हिडिओ.
- पैशाच्या लालसेपोटी सेवानिवृत्त परिचारीकेच्या केला होता खून; या गुन्ह्यातील ३० लाखांची रक्कम नातेवाईकांना केली परत.
- शेअर मार्केटिंगसाठी लोकांकडून पैसे का घेतो असे बोलण्याच्या राग आल्याने धरणगावात वृद्ध आजीवर नातवाने केला हल्ला. अज्ञाताने हल्ला करून पळून गेल्याच्या केला बनाव.
- पारोळा शिवारात 40 वर्षीय महिलेचा डोक्यात दगड टाकून खून;महिलेची ओळख पटली,आरोपी गजाआड, पारोळा पोलिसांची कामगिरी
- दोघांच्या लग्नाला झाली १३ वर्षे, अचानक महिलेस भेटला तिच्या प्रियकर, दोघांच्या मनावर राहिला नाही ताबा अन् मग पतीने असे केले की……
