Viral Video:- बाईकवर किंवा स्कूटीवर फिल्मी स्टाईलमध्ये रोमान्स करणाऱ्या तरुण-तरुणींचे अनेक व्हिडिओ आजकाल खूप व्हायरल होत आहेत. नुकताच बंगळुरूमधील अशाच एका जोडप्याचा व्हिडीओ मोठ्या प्रमाणात व्हायरल झाला होता.तर आता त्याचीच पुनरावृत्ती उत्तर प्रदेशची राजधानी लखनऊमध्येही झाल्याचं पाहायला मिळत आहे. येथील एका जोडपे बाईकवरुव जाताना भर रस्त्यावर रोमान्स करतानाचा व्हिडीओ समोर आला आहे.
व्हायरल होत असलेल्या या जोडीला पाहून अनेकांनाआश्चर्याचा धक्का बसला आहे. कारण धावत्या बाईकवर असले कृत्य करणं धोकादायक असल्याचं नेटकरी म्हणत आहेत. तर पोलिसांनी व्हायरल व्हिडिओच्या आधारे त्या दोघांचा शोध सुरू केला असून त्यांच्यावर कायदेशीर कारवाई करणार असल्याचंही सांगण्यात येत आहे.
सीतापूर रोडचा व्हिडिओ–
बाईकवर रोमान्स करत असलेल्या या जोडप्याचा व्हिडिओ एका कारमधील व्यक्तीने शूट केला आणि तो सोशल मीडियावर पोस्ट केला. हा व्हिडिओ हरदोई येथील सीतापूर रोडवरील इटौली गावाजवळचा असून तो मंगळवारी सकाळीच शूट करण्यात आल्याच सांगण्यात येत आहे.
नेमकं काय आहे व्हायरल व्हिडिओमध्ये?
व्हिडिओमध्ये एका तरुणाने त्याच्या प्रेयसीला बाईकच्या पेट्रोल टाकीवर बसवलं आहे. मुलगा खूप वेगाने बाईक चालवत आहे, तर मुलगी एका बाजूला पाय सोडून बसल्याचं दिसत आहे. ती आपला चेहरा मुलाच्या चेहऱ्याकडे सहज जाईल अशा पद्धतीने बसल्याचंही दिसत आहे. व्हिडिओमध्ये दोघेही बाईकवर एकमेकांना किस करत आहेत. सोशल मीडियावर लोकांनी या दोघांवर खूप टीका करत त्याला अश्लील असल्याचंही म्हटलं आहे.
पोलिसांकडून प्रेमी युगुलाचा शोध सुरु –
हा व्हिडिओ व्हायरल झाल्यानंतर पोलिसांनीही या प्रेमी युगुलाचा शोध सुरू केला आहे. सूत्रांनी दिलेल्या माहितीनुसार, व्हिडिओमध्ये दिसत असलेल्या बाइकच्या नंबरवरून दोघांचा शोध सुरु केला असून ओळख पटल्यानंतर त्यांच्यावर कायदेशीर कारवाई केली जाणार असल्याचंही सांगण्यात येत आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
