जळगाव :- जळगावात एक अत्यंत हृदयद्रावक घटना घडली आहे. येथे लोकेश नावाचा २२ वर्षीय तरुण हे दुचाकीने जात असताना रस्त्यावर समोरुन येणाऱ्या वाहनाचा लाईट त्याच्या डोळ्यावर चमकला आणि त्याला रस्त्याचा अंदाज न आल्याने लोकेशची दुचाकी रस्त्याखाली उतरली. यामध्ये रस्त्याच्या कडेला असलेली लोखंडी पाटी डोक्याला लागून लोकेश गंभीर जखमी झाला होता.

नातेवाईकाकडील लग्नाच्या हळदीच्या कार्यक्रम आटोपून तरुण पुन्हा घरी त्याच्या गावी दुचाकीने परतत होता. यादरम्यान समोरुन येणाऱ्या वाहनाचा लाईट डोळ्यावर चमकून रस्त्याचा अंदाज न आल्याने दुचाकी रस्त्याखाली उरतली, या अपघातात लोखंडी पाटी डोक्याला लागून तरुणाला गंभीर दुखापत झाली होती. चोपडा तालुक्यातील वेल्हे गावाजवळ हा २० फेब्रुवारी रोजी हा अपघात झाला होता. जखमी तरुण रुग्णालयात दाखल असताना, त्याची प्रकृती चिंताजनक असल्याचं कळताच काळजीने तरुणाच्या काकाचा मृत्यू झाला. तर काकाच्या मृत्यूनंतर सातव्या दिवशी जखमी पुतण्याचाही उपचारादरम्यान मृत्यू झाल्याची दुर्देवी घटना घडली. मुरलीधर सिताराम फिरके (वय ४५ रा. साळवे ता. धरणगाव) असे मृत काकाचे, तर लोकेश योगराज फिरके (वय २२ रा. साळवे ता. धरणगाव) असे मृत पुतण्याचे नाव आहे.

धरगणाव तालुक्यातील साळवा येथे लोकेश हा कुटुंबासह वास्तव्यास होता. चोपडा येथे २० फेब्रुवारी रोजी लोकेशच्या नातेवाईकाकडे लग्नाच्या हळदीचा कार्यक्रम होता, या कार्यक्रमासाठी लोकेश हा साळवा येथून दुचाकीने गेला होता. हळदीचा कार्यक्रम आटोपल्यानंतर लोकेश पुन्हा दुचाकीने त्याच्या घरी साळवा गावाकडे परतण्यासाठी निघाला. यादरम्यान चोपडा ते वेल्हेगावादरम्यान रस्त्यावर समोरुन येणाऱ्या वाहनाचा लाईट डोळ्यावर चमकल्याने रस्त्याचा अंदाज न आल्याने लोकेशची दुचाकी रस्त्याखाली उतरली. या घटनेत रस्त्यालगत असलेल्या दिर्शादर्शक लोखंडी पाटी डोक्याला लागून लोकेशला गंभीर दुखापत झाली होती.

लोकेशच्या मागून त्याचे भाऊ, तसेच इतर नातेवाईक हे सुध्दा येते होते. त्यांना लोकेशच्या दुचाकी अपघातात जखमी झाल्याचे दिसले. त्यानंतर लोकेशला तात्काळ जळगावातील खाजगी रुग्णालयात दाखल करण्यात आले होते. डोक्याला गंभीर दुखापत झाल्यानंतर पुढील उपचारासाठी लोकेश यास गोदावरी हॉस्पिटल येथे दाखल करण्यात आले होते. याठिकाणी त्याच्या डोक्यावर शस्त्रक्रिया सुध्दा करण्यात आली होती आणि तो बेशुध्दाअवस्थेत होता.

काळजीपोटी काकाचा धसक्याने मृत्यू, लोकेशनेही डोळे पुन्हा उघडलेच नाही

लोकेश हा त्याचे काका मुरलीधर फिरके यांची काळजी घेत, आजारी काकाची लोकेश सुश्रुषा तसेच सर्व कामे करत होता. लोकेशचा अपघात झाला आणि त्याची प्रकृती चिंताजनक असल्याचे मुरलीधर फिरके यांना कळाल्यावर पुतण्याच्या लोकेशच्या काळजीपोटी तसेच धसक्याने मुरलीधर फिरके यांचे लोकेशच्या अपघाताच्या दुसऱ्या दिवशी २२ फेब्रुवारी रोजी निधन झाले होते. एकीकडे, लोकेशची प्रकृती चिंताजनक, तर दुसरीकडे काकाच्या मृत्यूने कुटुंबियांवर मोठा आघात झाला होता. लोकेश बरा व्हावा यासाठी सर्व कुटुंबिय देवाकडे प्रार्थना करत होते. मंगळवारी लोकेश याच्यावर शस्त्रक्रिया झाली होती. दुसऱ्या दिवशी मात्र नियतीने डाव साधला, लोकेश याची मृत्यूशी सुरु असलेली झुंज अपयशी ठरली. काकाच्या मृत्यूनंतर सातव्या दिवशी म्हणजे १ मार्च रोजी पहाटे सात वाजता लोकेश याचाही उपचार सुरु असताना मृत्यू झाला. सात दिवसाच्या अंतरावर काका आणि पुतण्याच्या मृत्यूने फिरके कुटुंबियांवर दुख:चा मोठा डोंगर कोसळला होता, लोकेशनच्या मृत्यूनंतर त्याच्या कुटुंबियांना मोठा आक्रोश केला.

काळाजी झडप, अवघ्या सात दिवसात काका आणि पुतण्याचाही मृत्यू

लोकेशच्या पश्चात आई आशा, मोठा भाऊ निखिल, काका, काकू असा परिवार आहे. लोकशने नुकतेच आयटीआयचे शिक्षण पूर्ण केले होते. तसेच तो शेती सुध्दा करत होता. त्याचे काका मुरलीधर फिरके यांचे लग्न झालेले नव्हते, त्यामुळे ते लोकेशवर मुलाप्रमाणेच प्रेम करत होते. तर लोकेश सुध्दा त्याचे वडील वारले असल्याने मुरलीधर यांची वडीलांप्रमाणचे काळजी घेत होता. मात्र, सर्व काही सुरळीत सुरु असताना काळाने झडप घातली आणि अवघ्या सात दिवसात काका आणि पुतण्याचाही मृत्यू झाला. लोकेशच्या अचानक जाण्याने त्याच्या मित्रांना अश्रू अनावर झाले होते. एकाच गावातील काका आणि पुतण्याच्या मृत्यूच्या या घटनेने सर्व गाव सुन्न झाले असून हळहळ व्यक्त केली जात आहे.

हे वाचलंत का ?

• आजचे राशी भविष्य गुरूवार दि. २८ नोहेंबर २०२४
• अटकेची कारवाई टाळण्यासाठी 15 हजारांची लाच स्वीकारताना पारोळा पोलीस ठाण्यातील हवालदारास एसीबीने रंगेहाथ पकडले तर दुसरा फरार.
• जळगावात कमरेला गावठी पिस्तूल लावून दहशत माजविणाऱ्या तीन जणांवर पोलीसांची कारवाई.३ गावठी पिस्तूलासह ३ जिवंत काडतुस जप्त.
• दोघांचं एकमेकांवर प्रेम, घरच्यांनी लग्नाला दिली संमती लग्नाच्या एक रात्री आधी वर शिरला वधूच्या खोलीत, आणि………
• आजचे राशी भविष्य बुधवार दि. २७ नोहेंबर २०२४