प्रतिनिधी l पारोळा
नगरपरिषदेकडून नव्याने केलेल्या अवास्तव भाडे व घरपट्टी आकारणीला पालिकेचे नवीन नगराध्यक्ष आणि नगरसेवक निवडून येवून अपील सुनावणी घेईपर्यंत शासनाकडून स्थगिती मिळाली आहे.याकामी माजी उपनगराध्यक्ष डाँ.मंगेश तांबे यांनी पुढाकार घेवून आ.चिमणराव पाटील यांच्या प्रयत्नातून स्थगिती मिळवून आणली आहे.तसे पत्रही आ.पाटील यांनी डाँ.तांबे यांना दिले.
पालिकेच्या अवास्तव कर आकारणीला दोन दिवसांपूर्वीच संचालक नगरपरिषद संचालनालय यांचेकडून तात्पुरती स्थगिती देऊनही जिल्हाधिकारी अमन मित्तल यांनी अपील समिती गठीत केल्याचे आदेश दिल्याने या विषयावर आ.चिमणराव पाटील, जिल्हा बँकचे उपाध्यक्ष अमोल पाटील यांच्याकडे डाँ.तांबे यांनी न.पा.ची नवीन बाॅडी येईपर्यंत स्थगिती मिळावी अशी आग्रही विनंती केली.
त्याचवेळी मुंबई येथे अधिवेशनात असलेले आ.पाटील यांनी शहरातील नागरिकांच्या हितासाठी तांबे यांना मुंबईत बोलावून घेतले. या प्रक्रियेस नगरपरिषद निवडणुकीत नगराध्यक्ष व नगरसेवक निवडून येतील तोपर्यंत स्थगीती मिळणेबाबत कार्यवाही स्वतः सुरु केली.मुख्यमंत्री एकनाथ शिंदे यांना विनंंती करुन सुधारित स्थगिती आदेश नगरविकास विभाग येथून मिळवून दिले.
त्यामुळे शहरातील जनतेला न्याय मिळाला आहे.या अन्यायकारक प्रक्रियेत सर्वसामान्य, मध्यमवर्गीय आणि सर्व जनतेची होणारी मोठी आर्थिक लुट संवेदनशील आ. पाटील यांच्यामुळे थांबली आहे.अशी भावना व्यक्त करीत माझ्या विनंतीप्रमाणे सर्व मागण्या शासनाकडून मंजूर करुन दिल्याबद्दल आ.चिमणराव पाटील,जिल्हा बँकेचे उपाध्यक्ष अमोल पाटील यांचे आभार डाँ.मंगेश तांबे यांनी मानले आहेत.
हे देखील वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
