जळगाव : सध्या महाराष्ट्रात दरोड्याचा घटनांमध्ये दिवसेंदिवस वाढ होत आहे अश्यातच जळगाव शहरातील मुक्ताईनगर परिसरात मुलगी घरी एकटी असल्याची संधी साधत दरोडेखोरांनी दरोडा टाकण्याचा प्रयत्न केला, मात्र दहा वर्षीय मुलीने हिंमत दाखविल्यामुळे हा दरोडेखोरांचा प्रयत्न फसला. पिण्यासाठी पाणी मागण्याच्या बहाण्याने आत शिरण्याचा डाव रचलेल्या दरोडेखोरांनी दरवाजा तोडून आतमध्ये येऊ, अशी धमकीही मुलीला दिली, मात्र तिने अजिबात न घाबरता दरवाजा न उघडून हिंमतीने दरोडेखोरांना परतवून लावले. याबाबत जिल्हापेठ पोलीस स्टेशनला तक्रार नोंदवण्यात आली आहे. भर दिवसा घटनेने जळगावात खळबळ उडाली आहे.

जळगाव शहरातील मुक्ताईनगरात एस.एम.आय.टी. महाविद्यालाजवळ ॲड सचिन देविदास पाटील (वय ४३) हे पत्नी विद्या पाटील व दहा वर्षीय मुलगी श्रुंगी या परिवारासह वास्तव्यास आहेत. सचिन पाटील हे जिल्हा न्यायालयात वकिलीचा व्यवसाय करतात, तर त्यांच्या पत्नी विद्या पाटील जळगाव शहरातील एका शाळेत शिक्षिका आहेत. बुधवारी सचिन पाटील व विद्या पाटील हे दोन्ही नोकरीवर निघून गेले. दुपारी श्रुंगी ही शाळेतून परत आल्यानंतर घरी एकटीच होती.

दरोडेखोरांचा प्लॅन, मात्र तो सक्सेस झाला नाही

दुपारी २ वाजता काही अज्ञात दरोडेखोर दरोडा टाकण्याच्या उद्देशाने घरी आले. त्यातील एकाने दरवाजा ठोठावला. लोखंडी ग्रिलींगच्या दरवाजाला आतून कुलूप लावलेले होते, आवाज ऐकून श्रुंगीने लाकडी दरवाजा उघडला. त्यातील एका दरोडखोराने पिण्यासाठी पाणी मागितले, अनोळखी वाटत असल्याने श्रुंगीने पाणी देण्यास नकार देत त्यांना जाण्यास सांगितले व दरवाजा बंद करून घेतला. यानंतर दरोडेखोराने पाणी पाज नाहीतर दरवाजा तोडून आतमध्ये घुसेन अशी धमकी दिली. मात्र श्रुंगीने हिंमत दाखवून दरवाजा अजिबात उघडला नाही.

तब्बल १५ मिनिटे दरोडेखोर दरवाजाजवळ थांबून होते, मात्र श्रुंगीने त्यांना कुठलाही प्रतिसाद दिला नाही. खिडकीतून श्रुंगीला एका झाडाखाली असलेल्या रिक्षात आणखी चार ते पाच जण दिसले. त्यातील एक जण ‘प्लॅन सक्सेस झालाय’ असं बोलत असल्याचे तिने ऐकले. अखेरपर्यंत श्रुंगीने कुठलाही प्रतिसाद न देता दरवाजा उघडला नाही, त्यानंतर दरोडेखोर आल्या मार्गाने निघून गेले.

भर दुपारी वर्दळीच्या परिसरातील घटनेने खळबळ

खिडकीतून श्रुंगीने शेजारच्यांना आवाज दिला, त्यानुसार शेजारी राहणारी महिला धावतच श्रुंगी हिच्याकडे आली, महिलेला तिने घडलेला सर्व प्रकार सांगितला. त्यानंतर श्रुंगीची आई विद्या पाटील यासुद्धा घरी आल्या व सायंकाळी ॲड सचिन पाटील घरी परतले. यावेळी श्रुंगीने तिच्यासोबत घडलेली सर्व हकिगत सांगितली. त्यानंतर ॲड सचिन पाटील हे सुद्धा अवाक झाले. त्यांनी तातडीने तक्रारीसाठी रात्री दहा वाजता जिल्हापेठ पोलीस ठाणे गाठले.

ॲड सचिन पाटील यांनी दिलेल्या तक्रारीनुसार पोलीस ठाण्यात नोंद करण्यात आली आहे. रात्री बारा वाजता पोलिसांनी वकिलांच्या घरी जाऊन घटनेची माहिती जाणून घेतली. दरम्यान पोलीस प्रकरणाची माहिती घेत असून पुढील कार्यवाही करीत आहेत. दरम्यान दरोडखोर हे साध्या रिक्षातून नव्हे तर महिलांच्या पिंक या रिक्षातून आले असल्याची माहिती समोर आली आहे. भर दुपारच्या वर्दळीच्या परिसरातील घटनेने खळबळ उडाली आहे.

श्रुंगीच्या धाडसाचे सर्वत्र कौतुक

श्रुंगी ही जळगावातील सेंट टेरेसा या स्कूलमध्ये इयत्ता चौथीच्या वर्गात शिक्षण घेत आहे, दरम्यान घरात एकट्या असलेल्या श्रृंगी हिने धाडस दाखविले अन् न घाबरता दरोडेखोरांना कुठलाही प्रतिसाद दिला, त्यामुळे गैरप्रकार टळला आहे. अन्यथा पाणी पिण्याच्या बहाण्याने दरोडेखोर घरात घुसले असते आणि अनर्थ घडला असता. श्रुंगीच्या धाडसाचे सर्वत्र कौतुक केले जात आहे.

हे वाचलंत का ?

• Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
• पोलखोल! बनावट एडिशनल एसपी बनून आली पोलीस ठाण्यात पोलिसांनी केलं सॅल्यूट;पण एक छोटीशी चूक होताच पोलिसांनी केला महिलेचा पर्दाफाश.
• एरंडोल येथे संविधान दिवस उत्साहात संपन्न; “घर घर संविधान” चळवळ यशस्वी करण्याचा संकल्प
• धक्कादायक! आईने घरातील पत्र्याला घेतला गळफास,तर दोन चिमुकली आढळली पाण्याच्या बॅरेलमध्ये,कारण अस्पष्ट.
• आजचे राशी भविष्य गुरूवार दि. २८ नोहेंबर २०२४