जळगाव:- तरुणाने राहत्या घरात गळफास घेऊन आत्महत्या केल्याची धक्कादायक घटना जळगाव तालुक्यातील ममुराबादमध्ये उघडकीस आलीय.जगदीश लक्ष्मण पाटील (वय ३३) असं मयत तरुणाचे नाव असून एकुलत्या एक मुलाच्या मृत्यूने पाटील कुटुंबियांवर मोठा दु:खाचा डोंगर कोसळला आहे. याबाबत तालुका पोलीस स्टेशनमध्ये आकस्मिक मृत्यूची नोंद करण्यात आली आहे.

याबाबत अधिक असे की, जगदीश लक्ष्मण पाटील हा ममुराबाद येथे आई – वडीलांसह वास्तव्यास होता. जगदीश पाटील हा तरुण जळगाव शहरातील एमआयडीसीतील एका कंपनीत कामगार म्हणून कामाला होता. शनिवारी जगदीश हा कामवार गेला नाही. त्याचे आई वडील दोघेही कामानिमित्ताने घराबाहेर गेल्याने जगदीश हा घरी हा एकटाच होता. यादरम्यान त्याने त्याने राहत्या घरात पंख्याला साडी बांधून गळफास घेऊन आत्महत्या केली.

गळफास घेतलेल्या अवस्थेत जगदीशला पाहून आई – वडीलांना धक्काच बसला आणि त्यांनी हंबरडा फोडला. या प्रकरणी तालुका पोलीस स्टेशनमध्ये आकस्मिक मृत्यूची नोंद करण्यात आली आहे. दरम्यान, एकुलत्या एक मुलाच्या मृत्यूने पाटील कुटुंबियांवर मोठा दु:खाचा डोंगर कोसळला आहे.

जगदीश याचे काका यांनी तालुका पोलीस स्टेशनमध्ये दिलेल्या माहितीवरुन आकस्मिक मृत्यूची नोंद करण्यात आली आहे. जगदीश याचे लग्न होत नसल्याने तो तणावात होता. याच कारणामुळे तो दारु पित होता. लग्नाच्या विचारातूनच जगदीश याने आत्महत्या केल्याचे जगदीशच्या काकांनी पोलीस स्टेशनमध्ये माहिती दिली असल्याचं पोलिसांनी सांगितलं आहे.

हे देखील वाचा

• Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
• पोलखोल! बनावट एडिशनल एसपी बनून आली पोलीस ठाण्यात पोलिसांनी केलं सॅल्यूट;पण एक छोटीशी चूक होताच पोलिसांनी केला महिलेचा पर्दाफाश.
• एरंडोल येथे संविधान दिवस उत्साहात संपन्न; “घर घर संविधान” चळवळ यशस्वी करण्याचा संकल्प
• धक्कादायक! आईने घरातील पत्र्याला घेतला गळफास,तर दोन चिमुकली आढळली पाण्याच्या बॅरेलमध्ये,कारण अस्पष्ट.
• आजचे राशी भविष्य गुरूवार दि. २८ नोहेंबर २०२४