मुंबई : सोशल मीडियावर वेगवेगळे व्हिडीओ व्हायरल होतात. हे व्हिडीओ कधी मनोरंजक असतात, तर कधी थरारक अपघाताचे असतात. रस्ते अपघात हे कधी सांगून येत नाहीत. तुम्ही कितीही सावध असलात तरी देखील कधी दुसऱ्याच्या चुकीमुळे, तर कधी तांत्रिक बिघाडामुळे रस्ते अपघात घडल्याचे तुम्ही पाहिले असेल.कधी कधी अगदी छोट्या अपघातात एखादा व्यक्ती जीव गमावतो. तर कधी मोठ्या अपघातातून एखाद्याचे प्राण वाचले आहेत. अशा वेळी त्या व्यक्तीच्या नशीबाचा हा खेळ आहे, असं आपण मानतो. तसंच काहीसं एका व्यक्तीसोबत घडलं.
यासंबंधीत एक व्हिडीओ सोशल मीडियावर समोर आला आहे. या व्हायरल व्हिडीओमध्ये एक भयानक अपघात घडला आहे, पण या अपघातात एका व्यक्तीचे प्राण थोडक्यात बचावले आहे. हा व्हिडीओ पाहून तुम्ही नक्कीच म्हणाल की, आज कदाचित यमराज सुट्टीवर असावा. कारण या अपघातात अगदी काही इंचाच्या फरकाने या व्यक्तीचे प्राण वाचले आहे.
व्यस्त रस्त्यावरुन एक कन्टेनर जात होता, त्याच्या बाजूनेच एक व्यक्ती आपल्या गाडीवरुन होती. (ही गाडी माल वाहतूक रिक्षा असावी). तेवढ्यात वळणावर बाजूला असलेल्या कन्टेनरचा बॅलेंस जातो आणि त्याचा मागचा भाग उडून पलटी होतो. हा कन्टेनर त्याच्या बाजूला असलेल्या व्यक्तीच्या गाडीवर जोरात धडकतो.
या व्यक्तीच्या गाडीला हा कन्टेनर घासून खाली पडतो, ज्यामुळे ही व्यक्ती पुढच्या बाजूने वर उचलली जाते आणि पुन्हा धाडकन खाली अपटते.
नशिबाने या व्यक्तीला फारशी दुखापत झाली नाही. पण कन्टेनर ज्या फोर्सने या व्यक्तीच्या बाजूला पडतो, त्यावरुन तुम्ही अंदाजा लावू शकता की हा कन्टेर जर या व्यक्तीवर पडला असता, तर त्याचं काय झालं असतं. हा व्हिडीओ सोशल मीडियावर व्हायरल झाल्यानंतर लोकांनी या व्हिडीओवर जोरदार कमेंट्स करायला सुरुवात केली आहे, अनेकांनी या व्यक्तीच्या नशीबाचे कौतुक केले आहे. तर अनेकांनी रस्ते अपघाताबद्दल त्यांच्यासोबत घडलेला अनुभव शेअर केला आहे.
