जळगाव :- उद्धव ठाकरे यांची जळगावच्या पाचोऱ्यामध्ये जाहीर सभा होत आहे. या सभेआधी जळगावमधलं राजकीय वातावरण चांगलंच तापलं आहे.संजय राऊत यांनी चौकटीत बोलावं नाहीत सभेत घुसणार असं गुलाबराव पाटील यांनी म्हटलं. गुलाबरावांच्या या इशाऱ्यानंतर संजय राऊत यांनीही त्यांना चॅलेंज दिलं. सभेत घुसून दाखवा आणि रोख 51 हजारांचे बक्षिस घेऊन जा, असं संजय राऊत म्हणाले. एवढच नाही तर संजय राऊत यांनी त्यांचा उल्लेख गुलाबो गँग असाही केला.
संजय राऊतांच्या चॅलेंजनंतर आता गुलाबराव पाटील यांचे समर्थक उद्धव ठाकरे यांच्या सभेसाठी जळगाववरून रवाना झाले आहेत. जळगावच्या सागर पार्क मैदानावरून शेकडो शिवसैनिक ठाकरेंच्या सभेच्या ठिकाणी निघाले आहेत. या शिवसैनिकांनी गुलाबराव पाटील यांचे मुखवटे घातले आहेत. गुलाबराव पाटील यांचे शिवसैनिक जोरदार घोषणाबाजी करत पाचोऱ्याच्या दिशेने निघाले आहेत.
संजय राऊतांच्या इशाऱ्यानंतर शिंदेंचे शिवसैनिक चांगलेच आक्रमक झाले आहेत. तसंच त्यांनी राऊतांचा इशाराही स्विकारला आहे. त्यामुळे ठाकरेंच्या सभेआधीच जळगावचं वातावरण तापलं आहे. उद्धव ठाकरे यांच्या हस्ते माजी आमदार दिवंगत आर.ओ. पाटील यांच्या पुतळ्याचं अनावरण होणार आहे. नंतर उद्धव ठाकरे यांची जाहीर सभा होणार आहे. यासभेचं आयोजन आर.ओ. पाटील यांची कन्या आणि ठाकरे गटाच्या नेत्या वैशाली सूर्यवंशी यांनी केलं आहे.
हे देखील वाचा
- Viral Video: दोन दरोडेखोर पिस्तुलाचा धाक दाखवून दागिने लुटणार इतक्यात दुकानदार व कर्मचाऱ्यांनी अस केलं की चोरांचा डाव उलटवला.
- पोलखोल! बनावट एडिशनल एसपी बनून आली पोलीस ठाण्यात पोलिसांनी केलं सॅल्यूट;पण एक छोटीशी चूक होताच पोलिसांनी केला महिलेचा पर्दाफाश.
- एरंडोल येथे संविधान दिवस उत्साहात संपन्न; “घर घर संविधान” चळवळ यशस्वी करण्याचा संकल्प
- धक्कादायक! आईने घरातील पत्र्याला घेतला गळफास,तर दोन चिमुकली आढळली पाण्याच्या बॅरेलमध्ये,कारण अस्पष्ट.
- आजचे राशी भविष्य गुरूवार दि. २८ नोहेंबर २०२४
