शाहजहांपूर (उत्तर प्रदेश):- शासकीय शाळेत 13 विद्यार्थिनींचे लैंगिक शोषण झाल्याची धक्कादायक घटना समोर आली आहे. शाहजहांपूर जिल्ह्याच्या ददरौल प्रखंडात ही घटना घडली. शाळेतील कॉम्प्यूटर टीचरनेच शिक्षक आणि विद्यार्थ्याच्या पवित्र नात्याला काळिमा फासला आहे.नराधम शिक्षक पीडित विद्यार्थिनींना शाळेतील टॉयलेटमध्ये नेऊन त्याच्यावर त्यांचं शारीरिक शोषण करत होता. टॉयलेटमध्ये कंडोम सापडले आहेत. आरोपी शिक्षकाला पोलिसांनी बेड्या ठोकल्या आहे.

शाहजहांपूर पोलिसांनी दिलेल्या माहितीनुसार, आरोपी शिक्षक मोहम्मद अलीसह शाळेचे मुख्याध्यापक अनिल कुमार आणि सहायक शिक्षिका साजिया या तिघांच्या विरोधात गुन्हा दाखल करण्यात आला आहे. शाळेच्या शौचालयात मोठ्या प्रमाणात वापर झालेले कंडोम आढळून आले आहेत. कंडोमची संख्या पाहाता नराधम शिक्षकाने अनेक विद्यार्थिनींना आपल्या वासनेची शिकार केली असावी. आरोपीने 13 अल्पवयीन विद्यार्थिनींचे लैंगिक शोषण केल्याचे समोर आले आहेत.

असा झाला भंडाफोड…..
शिक्षकाच्या लैंगिक शोषणाला बळी पडलेल्या एका पीडित विद्यार्थिनीने तिच्या आई-वडिलांना आपबिती सांगितली. कॉम्प्युटर शिक्षकाचे त्याच्यासह अनेक विद्यार्थिनींसोबत घृणास्पद कृत्य केल्याचं सांगितले. शिक्षक वाईट हेतूने विद्यार्थिनींना स्पर्श करत असल्याचे सांगितले. नंतर पीडितेच्या आई-वडिलांनी ही बाब गावाच्या सरपंचांना सांगितली. प्रकरणाचं गांभीर्य समजून घेऊन सरपंचांनी पोलिसांत तक्रार दाखल करून या प्रकरणाचा भंडाफोड केला.

पोलिसांनी आरोपी शिक्षक मोहम्मद अली याला अटक केली आहे. तसेच शाळेचे मुख्याध्यापक अनिल कुमार आणि सहायक शिक्षिका साजिया विरुद्ध गुन्हा दाखल करण्यात आला आहे. तिन्ही आरोपींविरुद्ध एससी-एसटी आणि पोक्सो कायद्यांतर्गत गुन्हा दाखल करण्यात आला आहे.शिक्षण विस्तार अधिकारी कुमार गौरव यांनी सांगितले, की या घटनेचा विद्यार्थिनींना मोठा मानसिक धक्का बसला आहे. विद्यार्थिनींचे काऊंसलिगं करण्यात येणार आहबे. शाळेच्या पटसंख्येवर या घटनेचा परिणाम झाला आहे. सोमवारी 50 विद्यार्थिनी आणि 112 विद्यार्थी असलेल्या शाळेत केवळ 35 टक्के विद्यार्थी उपस्थित होते. 13 विद्यार्थिनींचे लैंगिक शोषण झाल्यामुळे पालकांमध्ये भीतीचे वातावरण आहे. आरोपींवर कठोर कारवाई करण्यात येईल, असेही कुमार गौरव यांनी सांगितले.

महिला शिक्षकांची नियुक्तीचे आदेश…..
शाहजहांपूर जिल्ह्यातील घटनेच्या पार्श्वभूमीवर उत्तर प्रदेशातील शिक्षण विभागाने महत्त्वपूर्ण निर्णय घेतला आहे. उत्तर प्रदेशातील सर्व 746 कस्तूरबा गांधी बालिका विद्यालयात तातडीने महिला शिक्षकांच्या नियुक्तीचे आदेश देण्यात आले आहेत. राज्यातील सर्व 75 जिल्ह्यात कार्यरत असलेल्या पुरुष कर्मचाऱ्यांची दुसरीकडे बदली करण्याचेही आदेश शिक्षण विभागाचे महाव्यवस्थापक विजय किरण आनंद यांनी दिले आहेत. शासकीय शाळेतीलविद्यार्थिनींच्या सुरक्षिततेसाठी देखील ठोस उपाययोजना करण्यात येणार असल्याचे विजय किरण आनंद यांनी सांगितले.

हे पण वाचा

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.