19 वर्षाच्या प्रियकर व 18 वर्षाची विवाहित प्रेयसी, पाचोरा येथील घटना.
पाचोरा : प्रेमीयुगलाने आत्महत्या केल्याचे आपण अनेक वेळा वाचले असेल. अशीच एक घटना पाचोरा शहारतील मोढाळे रोडवरील पडक्या अंगणवाडीत ही घटना आज सकाळी उघडकीस आली. जितेंद्र राजू राठोड (19) व साक्षी सोमनाथ भोई (18) या प्रेमीयुगूलाने गळफास घेत आत्महत्या केली. साक्षी व जितेंद्रचे एकमेकांवर प्रेम असून साक्षीच्या कुटुंबीयांनी तिच्या विवाह शुक्रवारी 23 रोजी साक्री येथील त्यांच्याच समाजातील एका तरुणाशी लावून दिला त्यांनतर साक्षी ही 25 रोजी सायंकाळी सासरी हळद फेडून पाचोरा येथे माहेरी आली. माहेरी आल्यानंतर हा प्रकार घडला. दरम्यान, दोघांच्या आत्महत्येचे स्पष्ट कारण अद्याप समोर आले नसल्याने पाचोरा पोलिसांनी अकस्मात मृत्यूची नोंद केली आहे.
जितेंद्र आणि साक्षी या दोघांनी मोंढाळे रस्त्यावरील एका पडक्या शाळेच्या खोलीत एकाच दोरीने गळफास घेतल्याचा प्रकार सोमवारी पहाटे उघडकीस आला. याबाबतची माहिती मिळताच पाचोरा शहरचे पोलीस निरीक्षक राहुल खताळ, पोलीस उपनिरीक्षक वसावे, पोलीस कॉन्स्टेबल दिलीप वाघमोडे, नरेंद्र नरवाडे यांनी धाव घेत दोघांचे मृतदेह शवविच्छेदनासाठी हलवले.
साक्षीचे 23 जून रोजी लग्न झाल्याने ती सासरी गेल्यानंतर पुन्हा रविवारी माहेरी पाचोरा येथे आली होती. मध्यरात्री तरुण विवाहिता घरात नसल्याचे लक्षात आल्यानंतर तिचा शोध सुरू असतानाच घराच्या मागील बाजूस अंगणवाडीत दोघेही जण गळफास घेतलेल्या अवस्थेत दिसून आल्यानंतर कुटूंबियांना मोठा धक्काच बसला.
दरम्यान पाचोरा वरखेडी रोडवरील रावण दहन मैदानाच्या जवळ राहत असलेला जितेंद्र राठोड हा रोजंदारीवर फोटोग्राफीचे काम करायचा जितेंद्र च्या घरापासून अवघ्या 50 मीटर अंतरावर मासेमारी करणारे सोमनाथ भोजू भोई यांची मुलगी साक्षी आणि चित्र यांच्या प्रेम संबंध निर्माण झाले होते. परंतु कुटुंबीयांना त्यांनी सांगितले नव्हते.लग्नाच्या तीन दिवसानंतरच साक्षी व जितेंद्र यांनी हा कठोर निर्णय घेतला.
