मुंबई (गुरुदत्त वाकदेकर) : आयकर विभागाने म्हटले आहे की, २०२३-२४ च्या मूल्यांकन वर्षासाठी विक्रमी एकूण ६.७७ कोटी प्राप्तिकर रिटर्न (अायटीआर) दाखल झाले आहेत. यापैकी ५३.६७ लाख लोकांनी प्रथमच रिटर्न भरले आहेत. विभागाने मंगळवारी सांगितले की, २०२२-२३ मधील ५.८३ कोटींच्या तुलनेत यावेळी १६.१ टक्के अधिक रिटर्न भरले आहेत. ३१ जुलैपर्यंत एकूण ६४.३३ लाख आयटीआर दाखल करण्यात आले आहेत. विशेष म्हणजे, ३१ जुलै ही पगारदार व्यक्ती आणि ज्यांच्या खात्यांचे ऑडिट आवश्यक नाही त्यांच्यासाठी अंतिम तारीख होती.

विभागाने म्हटले आहे की, ३१ जुलै २०२३ पर्यंत प्रथमच रिटर्न फाइल करणाऱ्यांकडून ५३.६७ लाख आयटीआर प्राप्त झाले आहेत, जे कर बेसच्या व्यापकतेचे योग्य संकेत आहे. ६.७७ कोटी आयटीआर पैकी ५.६३ कोटी रिटर्न्स ई-पडताळणी करण्यात आले आहेत, त्यापैकी ५.२७ कोटी पेक्षा जास्त हे आधार-आधारित ओटीपी (९४%) द्वारे आहेत. त्याच वेळी, ई-सत्यापित आयटीआरपैकी, मूल्यांकन वर्ष २०२३-२४ साठी ३.४४ कोटी पेक्षा जास्त आयटीआर ३१ जुलैपर्यंत प्रक्रिया करण्यात आले आहेत.

ई-फायलिंग हेल्प डेस्क टीमने जुलैमध्ये करदात्यांच्या सुमारे ५ लाख प्रश्नांची उत्तरे दिली. विभागाने सांगितले की, हेल्प डेस्क करदात्यांना इनबाउंड कॉल्स, आउटबाउंड कॉल्स, लाइव्ह चॅट, वेबेक्स आणि को-ब्राउझिंग सत्रांद्वारे मदत प्रदान करते.

मूल्यांकन वर्ष २०२३-२४ साठी दाखल केलेल्या ६.७७ कोटी आयटीआरपैकी ४९.१८ टक्के आयटीआर-१ (३.३३ कोटी), ११.९७ टक्के आयटीआर-२ (८१.१२ लाख), ११.१३ टक्के आयटीआर-३ (७५.४० लाख), २६.७७ टक्के आयटीआर-४ (१.८१ कोटी) आणि ०.९४ टक्के आयटीआर-५ ते 7 (६.४० लाख). यापैकी, ४६% पेक्षा जास्त आयटीआर ई-फायलिंग पोर्टलवर उपलब्ध ऑनलाइन आयटीआर युटिलिटी वापरून दाखल केले गेले आहेत आणि उर्वरित ऑफलाइन आयटीआर युटिलिटी वापरून दाखल केले गेले आहेत.

हे पण वाचा

• एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
• Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
• आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
• पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
• सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.