जामनेर(प्रतिनिधी) :- सोशल मिडिया माध्यमातून वापरले जाणारे इन्स्टाग्राम या अँपवर भारतीय संविधान व आंबेडकरी समुदाया विषयी आक्षेपार्ह आणि अश्लील असे शब्द वापरून पोस्ट केलेल्या तरूणा विरोधात अँट्रासिटी व माहिती तंत्रज्ञान कायद्यानुसार जामनेर पोलिस स्टेशनमध्ये गुन्हा दाखल करण्यात आला. जामनेर तालुक्यातील वाकी खु येथील आकाश गणेश तेली व प्रकाश गादेकर (पत्ता माहिती नाही) यांनी सोशल मिडीया माध्यमाच्या इन्स्टाग्राम अँपवर भारतीय संविधान व आंबेडकरी समुदायाच्या भावना दुखावतील अशा आक्षेपार्ह व अश्लील शब्दांत पोस्ट व्हायरल केल्या.
त्यावरून दि.५ ऑगस्ट २०२३ रोजी जामनेर पोलीस स्टेशनमध्ये सचिन अनिल सुरवाडे (वचिंत बहुजन आघाडी जामनेर तालुकाध्यक्ष) यांच्या फिर्यादी वरून आरोपी आकाश गणेश तेली (वाकी खु.व प्रकाश गादेकर (पुर्ण नाव व पत्ता माहिती नाही)या दोघां विरोधात भारतीय दंड संहिता १८६० (कलम २९४) व अनुसूचित जाती आणि अनुसूचित जमाती (अत्याचार प्रतिबंधक) अधिनियम,१९८९ च्या ३(१)(s) नुसार गुन्हा दाखल करण्यात आला असून.आरोपी आकाश तेली यास अटक करण्यात आली आहे.
भारतीय संविधान व आंबेडकरी समुदाया विषयी पूर्वग्रह दुषीत मनात चिड असल्याने या आधीही काही महिन्यापूर्वी आकाश तेली याने सोशल मिडियावर महापुरुष डॉ. बाबासाहेब आंबेडकरां विषयी आक्षेपार्ह पोस्ट व्हायरल केली होती.त्यावेळी पोलीस निरिक्षक किरण शिंदे यांनी व समाजातील कार्यकर्ते यांनी त्याला समज दिली होती.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
