झुंजार । प्रतिनिधी
जळगाव : गॅस सिलेंडर स्फोटाच्या आवाजाने जळगाव शहर हादरले आहे. शहरातील जानकीनगर मध्ये सिलेंडरचा स्फोट झाला आहे. यात एक जागीच ठार झाला आहे. तर दुसरा गंभीर जखमी झाला आहे. ही घटना आज सायंकाळी ५ वाजेच्या सुमारास घडलीय. या घटनेने परिसरात मोठी खळबळ उडाली.
याबाबत असे की, शहरातील जानकीनगरमध्ये स्वयंपाकीच्या ऑर्डरचे काम करीत असताना अचानक गॅस सिलेंडरने भडका घेतला. यात बन्सीलाल पांडे (वय ५५) यांचा जागीच मृत्यू झाला आहे. तर बालकिसन जोशी हे गंभीर जखमी झाले आहे.घटनेची माहिती कळताच महापौर जयश्री महाजन यांनी धाव घेत माहिती घेतली आणि कुटुंबियांचे सांत्वन केले.
