गंज (उत्तर प्रदेश):- सध्या फेसबुक, व्हॉट्सअॅपच्या माध्यमातून तरुणांच्या संपर्कात येत त्यांना अश्लील व्हिडीओ कॉल करण्याचे प्रमाण वाढले आहे. अश्लील फोटो घेऊन तरुणांना पैशांसाठी ब्लॅकमेल केले जाते किंवा सोशल मीडियात त्यांच्या नातेवाईक, मित्रांमध्ये बदनामी केली जाते.
पण यातील खरे गुन्हेगार कधी सापडत नाहीत. दरम्यान लोकांना फोनवर अश्लील व्हिडीओ बनवून ब्लॅकमेल करून फसवणूक केल्याप्रकरणी फरार असलेली महिला गँगस्टर जोहरा उर्फ मेहक हिला पोलिसांनी अटक केली आहे.
आरोपी मेहक ही अश्लील व्हिडिओ कॉलच्या माध्यमातून तरुणांची फसवणूक करत होती. यासंदर्भातील अनेक तक्रारी विविध पोलीस स्थानकांमध्ये आल्या होत्या. वर्षभरापासून पोलीस या महिलेचा शोध घेत होते. याप्रकरणी पाच आरोपींची यापूर्वीच कारागृहात रवानगी करण्यात आली आहे.
पोलिसांनी गुंड महिलेची तुरुंगात रवानगी केली आहे.वर्षभरापूर्वी गंज पोलीस ठाण्यात तिच्याविरोधात तक्रार दाखल झाली होती. यानंतर पोलिसांनी केलेल्या तपासात लोकांना फोनवर अश्लील व्हिडिओ कॉल करून ब्लॅकमेल करत असल्याची घटना उघडकीस आली होती. 6 ऑगस्ट 2022 रोजी पोलिसांनी पीडितेच्या तक्रारीवरून अहवाल नोंदवून तपास सुरू केला होता.
पोलिसांनी केलेल्या तपासात एका महिलेसह सहा जणांची नावे समोर आली आहेत. यानंतर पोलिसांनी पाच आरोपींना कारागृहात पाठवले होते. तर शहरातील मोहल्ला अस्तबल येथील शुतारखाना येथील रहिवासी जोहरा उर्फ मेहक फरार होती.
पोलिसांनी महिलेसह सर्व आरोपींवर गुंडगिरीची कारवाई केली होती आणि अनेक दिवसांपासून जोहराचा शोध घेत होते. तक्रारदाराने दिलेल्या माहितीवरून पोलिसांनी रविवारी गुंड जोहराला अटक केली. हनी ट्रॅपचा गुन्हा दाखल करत आरोपींना तुरुंगात पाठवण्यात आले असून गँगस्टरवर कायद्यानुसार कारवाई करण्यात आल्याची माहिती गंज पोलिस स्टेशनचे प्रभारी लव सिरोही यांनी दिली. या प्रकरणात फरार असलेल्या जोहराला आता पोलिसांनी पकडले आहे. जोहरावर गँगस्टर कायद्यांतर्गतही कारवाई करण्यात आली आहे. सध्या या प्रकरणाचा अधिक तपास सुरू असून आणखी काही आरोपींना अटक केले जाण्याची शक्यता आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
