झुंजार । प्रतिनिधी
नवी दिल्ली : पाच राज्यांचे निवडणूक निकाल समोर आल्यानंतर पेट्रोल आणि डिझेल महाग नाही तर स्वस्त झाले आहे. ही बातमी तुम्हाला आश्चर्यचकित करेल, परंतु वास्तव हे आहे की, काही शहरांमध्ये पेट्रोलचे दर एक रुपया लीटरने खाली आले आहेत. खरं तर, रशिया-युक्रेन युद्धाच्या दरम्यान, कच्च्या तेलाच्या किंमती सतत वाढत होत्या.
12 ते 16 रुपयांपर्यंत वाढ अपेक्षित आहे क्रूडच्या दरात वाढ होत असताना, निवडणुकीनंतर पेट्रोलच्या दरात 12 ते 16 रुपयांनी वाढ होण्याची शक्यता तज्ज्ञ व्यक्त करत होते. मात्र आता दर घसरल्याने लोक खूश आहेत. येत्या काळात किंमत आणखी खाली येण्याची शक्यता आहे. दोन दिवसांत क्रूड प्रति बॅरल $139 वरून $108.7 वर घसरले आहे
कोणत्या शहरात दर किती कमी झाले ?
शुक्रवारी भुवनेश्वरमध्ये पेट्रोलचा दर 102.27 रुपयांवरून 101.81 रुपये प्रति लिटरवर आला. जयपूरमध्ये हा दर 108.07 रुपयांवरून 107.06 रुपये प्रति लिटरवर आला आहे. त्याचवेळी डिझेल 91 पैशांनी घसरून 90.70 रुपयांवर आले आहे. पाटण्यात शुक्रवारी सकाळी हा दर १०६.४४ ते १०५.९० रुपयांपर्यंत दिसला.
मेट्रो शहरांमध्ये कोणताही बदल नाही मात्र, गुडगावमध्ये पेट्रोलच्या दरात किंचित वाढ होऊन तो 95.59 रुपयांवर पोहोचला आहे. तर नोएडामध्ये हा दर 95.73 रुपये प्रति लिटर झाला आहे.
मेट्रो शहरांमध्ये तेलाच्या दरात कोणताही बदल झालेला नाही.
नवी दिल्ली, कोलकाता, मुंबई, चेन्नई आणि बंगळुरू येथे दर अनुक्रमे 95.41, 104.67, 109.98, 91.43 आणि 101.40 रुपये प्रति लिटर आहेत.
दर दोन ते तीन रुपयांनी कमी होऊ शकतो सर्वात मोठी रिफायनरी चालवणाऱ्या बीपीसीएलचे अध्यक्ष आणि एमडी अरुण कुमार सिंह यांनी सहयोगी वेबसाइट झी बिझनेसशी संवाद साधताना सांगितले की, कच्च्या तेलाची किंमत पुढील 2 आठवड्यात $ 100 च्या खाली येऊ शकते. कच्च्या तेलाचा दर प्रति बॅरल $90 च्या पातळीवर येण्याची शक्यताही त्यांनी व्यक्त केली. असे झाल्यास पेट्रोल आणि डिझेलचे दर प्रतिलिटर २ ते ३ रुपयांनी कमी होऊ शकतात.
