चाळीसगाव :- येथे दिनांक 07/10/2023 रोजी सकाळी 05/00 या दरम्यान मा. श्री एम राजकुमार सो, पोलीस अधिक्षक जळगांव यांच्या आदेशाने व मा.श्री रमेश चोपडे, अपर पोलीस अधिक्षक चाळीसगांव तसेच मा. श्री अभयसिंग देशमुख, सहायक पोलीस अधिक्षक सो, चाळीसगांव भाग चाळीसगांव यांच्या मार्गदर्शनाखाली चाळीसगाव शहरात पोलीस स्टेशन हद्दीत सक रात्रगस्त पेट्रोलिंग करण्याची मोहीम राबविण्यात आली होती. वरीष्ठाच्या आदेशाने पोलीस स्टेशन हद्दीत रात्रगस्त पेट्रोलिंग करीत असतांना रात्री 01/00 वा. चे सुमारास मालेगाव रोड लगत असलेला एल.पी.जी. पंपासमोर मालेगाव कडुन चाळीसगाव शहराकडे एक बोलेरो पिकअप वाहन भरधाव वेगाने येतांना दिसली.
त्यावेळी गस्तीवर असलेले पोना / 1445 अमृत पाटील, पोकों/ 1419 विजय पाटील यांनी सदर वाहन चालकास पिकअफ थांबविण्याचा इशारा केला असता त्याने पिकअप वाहन न थांबविता भरधाव वेगाने पिकअप वाहन हे चाळीसगाव शहराकडे चालवित नेले. तेव्हा पोलीस अंमलदार यांना सदर वाहनावर अधिक संशय बळावल्याने त्यांनी सदर वाहनाचा पाठलाग करून सदर वाहनास हॉटेल आशिष गार्डन समोर रात्री 01/10 वा सुमारास थांबविले. तेव्हा वाहन चालकास तु वाहन एवढ्या भरधाव वेगाने का चालवित आहात असे विचारपुस करता त्याने उडवा उडवीचे उत्तरे दिली,
त्यास त्याचे नाव गाव विचारले असता त्याने त्याचे नाव – 1) शेख फरान शेख आरीफ वय 22 वर्ष रा. अक्सा कॉलनी, हाजरा मस्जिद जवळ मालेगाव ता. मालेगाव जि. नाशिक, असे सांगितले, त्यास त्याच्या ताब्यातील पिकअप वाहनाचे मालकी हक्काबाबत व कागदपत्रांबाबत विचारपुस करता त्याने कोणतेही समाधान कारक उत्तर न दिल्याने उडवा उडवीचे उत्तरे दिली व पिकअप वाहनाचे मालकी हक्काबाबत कोणताही दस्तऐवज अगर पुरावा सादर करु शकला नाही. तेव्हा पोलीस पथकाचा अधिक संशय बळावल्याने व सदरचे पिकअप वाहन हे चोरीचे असल्याबाबत खात्री झाल्याने सदर इसमादिरुध्द पोकों / 1419 विजय पाटील यांचे फिर्यादीवरुन गुरनं. 475 / 2023 महा. पोलीस अधिनियम कलम 124 प्रमाणे गुन्हा दाखल करून आरोपीताचे ताब्यात मिळालेले वाहन जप्त करण्यात आले.
सदर गुन्ह्याचा सखोल तपास पोहेकॉ / 1720 राहुल सोनवणे व पोकों / 552 ज्ञानेश्वर पाटोळे यांनी केला असुन गुन्ह्याचे तपासात आरोपीताच्या ताब्यात मिळुन आलेले 5,00,000/- रु. किंमतीची महिन्द्रा कंपनीची बोलेरो पिकअप वाहन हे छावणी पो.स्टे. मालेगाव जि. नाशिक ग्रामीण कडील गुरनं. 282 / 2023 भा.द.वि. कलम 379 प्रमाणे दाखल गुन्ह्यातील चोरीस गेलेले असल्याचे गुन्ह्याचे तपासात निष्पन्न झाले आहे.
सदरची कारवाई ही मा. पोलीस निरीक्षक, श्री. संदिप पाटील सो यांचे मार्गदर्शनाखाली पोहेकॉ / 1720 राहुल सोनवणे, पोना / 1445 अमृत पाटील, पोना / 3136 महेंद्र पाटील, पोना / 2800 भुषण पाटील, पोकों / 1419 विजय पाटील, पोकों / 208 आशुतोष सोनवणे, पोकों / 2545 रविंद्र बच्छे, पोकों / 3336 पवन पाटील, मोकॉ/ 988 ज्ञानेश्वर गिते, पोकों / 552 ज्ञानेश्वर पाटोळे, पोकों / 447 समाधान पाटील, पोकों/ 2400 राकेश महाजन यांचे पथकाने केली आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
