जळगाव :- वीज वितरण कंपनीच्या ग्राहकाला जुन्या मीटर ऐवजी नवीन मीटर लावण्यासाठी २५ हजाराची लाच घेताना वीज वितरण कंपनीच्या वायरमनला लाच लुचपत प्रतिबंधक विभागाने रंगेहात पकडले.संतोष भागवत प्रजापती ( वय ३२, व्यवसाय , वरिष्ठ तंत्रज्ञ, वायरमन) असे अटक केलेल्या वायरमनचे नाव आहे.
याबद्दलची माहिती अशी की, तक्रारदार याच्या आईच्या नावाने जुन्या घराचे विजचे मीटर आहे. विज मीटर हे फार जुने असून नादुरूस्त असल्याने तक्रारदाराने कंपनीला कळविले होते.
दरम्यान वरिष्ठ तंत्रज्ञ, वायरमन संतोष भागवत प्रजापती यांनी त्याच्याकडे नवीन मीटर बसवण्यासाठी २५ हजार रूपयांची मागणी केली. तक्रारदाराने याबद्दलची माहिती लाच लुचपत प्रतिबंधक विभागाला सांगितली. यानंतर पोलिस उपअधीक्षक ला. प्र. वि. (जळगाव) आणि सुहास देशमुख यांच्या मार्गदर्शनाखाली स. फौ. दिनेशसिंग पाटील, बाळू मराठे याच्या टिमने सापळा रचून २५ हजाराची लाच स्विकारताना संतोष याला रंगेहात पकडले.
यांनी केली कारवाई
पोलीस निरीक्षक अमोल वालसाडे, स. फौ. सुरेश पाटील, पो. ह. रविंद्र घुगे, म. पो. हे. कॉ. शैला धनगर, पो. ना. किशोर महाजन, पोना सुनिल वानखेडे, पो. कॉ. प्रदीप पोळ, पो. कॉ. राकेश दुसाणे, पो. कॉ अमोल सुर्यवंशी, पो. कॉ. प्रणेश ठाकुर यांनी ही कारवाई केली. या प्रकरणाचा अधिक तपास अधिकारी पोलिस निरीक्षक एन. एन. जाधव, ला. प्र. वि. करीत आहेत. या प्रकरणी रामानंद पोलिसांत गुन्हा नोंद झाला आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
