झुंजार । प्रतिनिधी
जळगाव : तालुक्यातील भादली गावातील भरत भिकन पाटील (वय २३) या तरुणाने घरात गळफास घेऊन आत्महत्या केली. भरत याने कर्ज काढून नवीनच चारचाकी घेतली होती. त्याशिवाय विविध सहकारी सोसायटीचे त्याच्यावर कर्ज होते. त्यातूनच त्याने आत्महत्या केल्याचं बोललं जात आहे.
याबाबत असे की, भरत हा वडील भिकन दगा पाटील, आई वंदना, पत्नी व लहान भावासह वास्तव्याला होता. काही दिवसांपूर्वी त्याने कर्ज काढून चारचाकी घेतली होती. त्यावर त्यांचा उदरनिर्वाह चालायचा. आई, वडील शेतीचे काम करायचे. स्वत:च्या मालकीची थोडीच शेती आहे. लहान भाऊ गाडी घेऊन मुंबई गेला होता तर भरत घरीच होता.
