पुणे: प्रेमीयुगुलाने एकाच ओढणीने गळफास घेऊन आत्महत्या केल्याची घटना वाघोली मधील एका लॉजमध्ये घडली आहे. ही घटना सोमवारी सायंकाळी सहा ते सातच्या दरम्यान उघडकीस आली आहे.
प्रेमप्रकरणातून आत्महत्या केल्याचा प्राथमिक अंदाज लोणीकंद पोलिसांनी व्यक्त केला आहे.
सचिन गोकुळ शिंदे (वय-21 सध्या रा. खराडी, मुळ रा. नेहरु कॉलनी, भिंगार, अहमदनगर) आणि कोमल सुनील बर्के (वय-20 रा. चंदननगर, खराडी, पुणे) असे आत्महत्या केलेल्या प्रेमीयुगुलाचे नाव आहे.
सचिन आणि कोमल हे दोघे सकळी अकराच्या सुमारास लॉजमध्ये आले होते. सायंकाळी सहा वाजता खोली सोडणार होते.
मात्र, सहा वाजून गेल्यानंतरही त्यांनी खोली सोडली नाही. त्यामुळे लॉज मधील कर्मचाऱ्यांनी सचिनच्या मोबाईल फोनवर संपर्क साधला. मात्र, त्याने फोन उचलला नाही. त्यामुळे हॉटेलमध्ये काम करणाऱ्या कामगारांनी खोलीजवळ जाऊन बेल वाजवली. परंतु आतुन काहीच प्रतिसाद मिळत नसल्याने त्यांनी खोलीचा दरवाजा ढकलला.
कामगारांनी दरवाजा उघडला असता सचिन आणि कोमल यांनी एकाच ओढणीने गळफास घेतल्याचे आढळून आले.
त्यानंतर त्यांनी लोणीकंद पोलिसांना घटनेची माहिती दिली. प्रेमप्रकरणातून दोघांनी जीवन संपवलं असल्याचा
प्राथमिक अंदाज पोलिसांनी वर्तवला आहे. कोमल ही डी-एमएलटी चे शिक्षण घेत होती.
तर सचिन पुण्यातील एका खासगी कंपनीत नोकरी करत होता. पुढील तपास सहायक पोलीस निरीक्षक सुरज राजगुरु करत आहेत.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
