Viral Video: गेल्या काही दिवसांपासून आपल्याला दिवाळीचा उत्साह सगळीकडे पाहायला मिळत आहे. फटाक्यांच्या आतिषबाजीत मोठ्या धुमधडाक्यात दिवाळीचा सण साजरा केला जातो. दिवाळीच्या काळात फटाके फोडण्यासाठी तरुणाईमध्ये मोठ्या प्रमाणात उत्साह असतो. अनेकदा फटाके फोडताना काही ठिकाणी हुल्लडबाजीचेही प्रकार घडतात. सोशल मीडियावर असाच एक धक्कादायक व्हिडीओ समोर आला आहे. ज्या व्हिडीओमध्ये एक तरुण चक्क धावत्या बाईकवर बसून फटाके फोडत असल्याचे दिसत आहे.
सोशल मीडियावर चर्चेत येण्यासाठी अनेक तरुण- तरुणी जीवघेणे स्टंट करत असतात. ज्यामुळे अनेकदा मोठ्या दुर्घटनाही घडतात. यात रिल्स आणि सोशल मीडियाच्या नादात अनेकांचा बळी देखील गेल्याच्या अनेक घटना समोर आल्या आहेत. तरुणाईवर याचा काहीही फरक पडताना दिसत नाही. मात्र व्हायरल होत असलेल्या या व्हिडीओने स्टंट करणारा तरुण चांगलाच अडणीत आला आहे. व्हायरल होत असलेल्या व्हिडीओमध्ये, एक तरुण सुरुवातीला बाईकच्या समोरील हेडलाईटच्या भागात काही फटाके लावताना दिसतोय, त्यानंतर दुसरा तरुण येऊन बाईकवर बसतो. बाईकवर बसल्यानंतर हिरव्या रंगाचा शर्ट घातलेल्या तरुणाने फटाक्यांच्या वाती पेटवल्या. यानंतर हेल्मेट घातलेला तरुण येतो आणि बाईक जोरात चालवू लागतो. यात तो बाईकवरून स्टंटही करत आहे. स्टंट करताना बाईकला लावलेले फटाके एकापोठापाठ फूटत आहेत
सदर व्हिडीओ हा@Lollubee या एक्स (ट्वीटर) अकाउंटवरून पोस्ट करण्यात आला आहे. व्हायरल व्हिडीओ तमिळनाडूमधील त्रिची जिल्ह्यातील आहे. तिथे उपस्थित असलेल्या व्यक्तीने मोबाईलमध्ये हा व्हिडीओ कैद केला आणि सोशल मीडियावर अपलोड केला. त्यानंतर हा व्हिडीओ तुफान व्हायरल होत आहे.व्हायरल व्हिडीओ पाहून नेटकऱ्यांनी संताप व्यक्त केला आहे. अशाप्रकारे धोकादायकरित्या फटाके वाजवून इतरांना त्रास देवू नका अशा प्रतिक्रिया काही जणांनी दिल्या आहेत. तर या हुल्लडबाज तरुणांवर कारवाई करण्याचीही मागणी काही जणांनी केली आहे.दरम्यान, सोशल मीडियावर हा व्हिडिओ समोर आल्यानंतर पोलीसही या तरुणांचा शोध घेत आहेत
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
