भडगाव :- तालुक्यातील कजगाव येथील अल्पभूधारक कर्जबाजारी शेतकऱ्याने आत्महत्या केल्याचे उघड झाले. शिवाजी महाजन (४५) असे या शेतकऱ्याचे नाव आहे. कजगाव बस स्थानकालगतच्या सावता माळी चौकात शिवाजी महाजन हे कुटुंबियांसह वास्तव्याला होते. त्यांच्याकडे दोन एकर शेती असून, त्यांच्या कुटुंबाचा उदरनिर्वाह शेतीवरच अवलंबून होता. राहत्या घरातच शिवाजी यांनी गळफास घेतल्याची माहिती मिळताच ग्रामस्थांनी त्यांना भडगाव येथील ग्रामीण रुग्णालयात दाखल केले. तेथे तपासणीनंतर वैद्यकीय अधिकाऱ्यांनी त्यांना मृत घोषित केले.
याप्रकरणी भडगाव पोलीस ठाण्यात आकस्मिक मृत्यू म्हणून नोंद करण्यात आली आहे. अत्यल्प पावसाने शेतकरी मेटाकुटीला आला आहे. शेतातील उत्पादन ७० टक्क्यांपेक्षा अधिक घटल्याने शेतकरी मोठ्या संकटात सापडले आहेत. कर्जाचा डोंगर दिवसेंदिवस वाढत चालला आहे. येणारे उत्पन्न पाहून शेतीवर घेतलेले अनेक प्रकारचे कर्ज फेडण्याची कुठलीच शक्यता दिसत नसल्याने हतबल झालेल्या महाजन यांनी आत्महत्येसारखा टोकाचा निर्णय घेतल्याचे म्हटले जात आहे. महाजन यांच्यामागे आई, पत्नी, दोन मुली, मुलगा, दोन भाऊ असा परिवार आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
