ग्वाल्हेर :- मध्य प्रदेश मध्ये एका महिलेने आपल्या पुतण्यावर अपहरण करून हल्ला केल्याचा आरोप केला आहे. महिलेचा आरोप आहे की, चाकूच्या धाकावर तिचे अपहरण करण्यात आले आणि नंतर जीवघेणा हल्ला करण्यात आला. मानेवर वार केल्याने महिला गंभीर जखमी झाली. प्रकरण बहोदापूर पोलीस ठाण्याच्या हद्दीतील आनंद नगर भागातील आहे. आरोपी तरुण आणि जखमी महिला काकू आणि पुतण्या आहे. जखमी महिलेचा आरोप आहे की, पुतण्याने आपल्याशी लग्न करण्यासाठी हट्ट धरला होता.
मात्र तिने नकार दिल्याने त्याने वार करून तिला जखमी केले. नात्याचे कारण देत तिने लग्नास नकार दिल्याचे महिलेचे म्हणणे आहे. चिडलेल्या तरुणाने चाकूच्या धाकावर तिचे अपहरण केले. घटनेपासून आरोपी फरार आहे. सध्या या प्रकरणाचा तपास बहोदापूर पोलीस करत आहेत.मिळालेल्या माहितीनुसार, जखमी महिलेचे वय 37 वर्षे असून आरोपी तरुणाचे वय 29 वर्षे आहे. दोघेही आनंद नगर परिसरात राहतात.
पीडित महिलेने सांगितले की, गुरुवारी संध्याकाळी ती किल्ला गेट परिसरात जात असताना वाटेत तीचा पुतण्या दुचाकीवर आला आणि लग्नासाठी हट्ट करू लागला. मानेवर चाकूने वार झालेल्या महिलेवर खासगी रुग्णालयात उपचार सुरू आहेत. आरोपीविरुद्ध कलम ३०७ अन्वये हत्येचा प्रयत्न केल्याचा गुन्हा दाखल करण्यात आल्याचे पोलिसांचे म्हणणे आहे. आरोपी फरार असून त्याचा शोध सुरू आहे. मात्र, त्याचे महिलेशी अवैध संबंध होते की एकतर्फी प्रेम होते हे स्पष्ट झालेले नाही. या घटनेची संपूर्ण परिसरात चर्चा आहे.
हे पण वाचा
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
- एरंडोल येथे खोट्या कारवाईचा बनाव करून चहा विक्रेत्याकडून १० हजारांची खंडणी; आ.अमोलदादा पाटील यांचे चार तास पोलीस ठाण्यात ठिय्या आंदोलन
- प्रत्येक बी.एल.ए.ने घराघरात जाऊन मतदारांची अचूक पडताळणी करा – आमदार मा.ॲड.अमोलदादा पाटील.
